股 場 放 大 鏡 ： 自 由 行 買 股 先 揀 流 通 量 高 H 股

噚 日 個 市 喪 升 ， 與 其 話 係 受 外 圍 帶 動 ， 倒 不 如 係 話 阿 爺 開 放 買 股 「 個 人 遊 」 所 致 ， 尤 其 下 午 後 半 段 時 間 ， 中 資 股 簡 直 出 現 「 恐 慌 性 」 買 貨 情 況 。 今 次 中 央 開 放 以 個 人 身 份 來 港 買 股 票 ， 理 論 上 只 有 天 津 一 個 試 點 ， 但 實 際 上 稍 後 只 要 中 行 （ 3988 ） 其 他 的 境 內 分 支 機 構 與 天 津 的 中 行 簽 訂 協 議 ， 都 可 以 個 人 身 份 買 港 股 。 相 信 以 上 消 息 經 廣 泛 報 道 之 後 ， 今 日 大 家 先 知 原 來 消 息 真 係 咁 正 。 香 港 股 民 可 以 早 先 鞭 ， 最 先 諗 到 除 受 惠 成 交 上 升 港 交 所 （ 388 ） 之 外 ， 一 定 係 買 較 A 股 折 讓 大 ， 同 時 又 出 名 國 企 H 股 ， 因 為 國 內 人 唔 多 認 識 香 港 二 三 線 股 ， 正 如 港 人 都 唔 多 識 國 內 二 三 線 A 股 。
比 亞 有 分 拆 概 念

第 一 浸 肯 定 係 成 交 額 大 又 多 人 識 H 股 ， 國 壽 （ 2628 ） 、 平 保 （ 2318 ） 較 A 股 折 讓 分 別 有 40% 及 34% ， 賭 折 讓 收 窄 至 兩 成 都 大 把 水 位 ， 中 行 折 讓 44% ， 而 且 日 後 有 大 量 證 券 交 易 及 相 關 收 入 ， 必 買 。 另 上 周 突 然 轉 強 儀 征 （ 1033 ） 以 及 上 石 化 （ 338 ） 都 要 買 ， 兩 股 折 讓 都 逾 7 成 ， 相 當 誇 張 。 至 於 成 交 較 細 而 折 讓 達 70% 東 北 電 （ 042 ） 及 熊 貓 電 子 （ 553 ） ， 相 信 會 第 二 浸 炒 上 。 另 一 種 要 買 中 資 股 係 未 有 A 股 國 企 ， 經 典 例 子 係 中 交 建 （ 1800 ） ， 比 亞 （ 1211 ） 亦 係 有 H 無 A ， 該 股 早 排 屢 被 大 行 調 高 評 級 與 目 標 價 ， 如 大 摩 對 比 亞 評 價 就 頗 高 ， 指 該 股 正 處 於 多 年 增 長 期 的 早 段 ， 料 未 來 3 年 盈 利 增 長 達 92% ， 預 期 比 亞 今 年 汽 車 付 運 量 增 長 67% ， 明 年 增 長 40% ， 而 營 運 槓 桿 亦 見 提 升 力 ， 目 標 價 睇 66 元 ， 現 價 有 19 蚊 水 位 。 該 公 司 亦 有 分 拆 概 念 ， 擬 分 拆 上 市 的 比 亞 電 子 上 市 雖 然 一 波 三 折 ， 但 市 場 消 息 指 公 司 正 力 爭 第 四 季 上 市 。