股 場 放 大 鏡 ： 二 線 中 資 股 一 拖 航 科 博 得 過

噚 日 港 股 成 交 進 一 步 減 少 至 532 億 銀 ， 本 來 市 靜 都 無 乜 股 好 炒 ， 但 突 然 一 隻 儀 征 化 纖 （ 1033 ） 爆 出 狂 升 25% ， 搞 到 其 他 二 三 線 紅 籌 國 企 股 紛 紛 受 到 追 捧 ， 南 京 熊 貓 （ 553 ） 升 20% ， 成 都 普 天 （ 1202 ） 升 14% ， 申 銀 萬 國 （ 218 ） 升 13% 。

儀 征 就 話 炒 私 有 化 ， 其 他 二 三 線 中 資 股 又 炒 乜 ？ 近 日 多 家 大 行 已 經 發 表 報 告 ， 話 美 國 次 按 危 機 對 中 國 經 濟 影 響 微 乎 其 微 ， 香 港 大 隻 股 跌 因 有 基 金 沽 貨 套 現 應 付 贖 回 ， 基 金 較 少 沾 手 二 三 線 中 資 股 ， 豈 不 安 全 ？ 有 關 股 份 跌 到 咁 低 水 位 ， 自 然 好 易 吸 引 資 金 及 炒 家 注 意 ， 而 且 國 內 股 市 又 的 確 強 勢 ， 連 CPI 升 到 咁 高 都 無 事 ， 呢 類 股 份 因 此 成 為 資 金 短 炒 焦 點 。

二 三 線 中 資 股 ， 跌 得 最 無 理 由 係 一 拖 （ 038 ） ， 農 業 股 基 本 上 唔 受 宏 調 影 響 ， 但 其 股 價 近 個 多 月 由 5 元 跌 落 最 低 3.35 元 ， 跌 三 分 一 ， 跌 幅 大 過 好 多 其 他 中 資 股 。 航 天 科 技 （ 031 ） 最 近 調 整 幅 度 亦 特 大 ， 兩 個 月 前 高 位 1.87 元 跌 到 0.98 元 ， 無 近 半 ， 呢 位 就 算 博 反 彈 ， 都 大 有 水 位 可 走 ， 淡 市 最 佳 短 炒 出 擊 對 象 。 去 蒙 古 採 鈾 世 城 （ 355 ） 日 前 復 牌 並 發 出 通 告 ， 宣 佈 與 中 核 集 團 的 全 資 附 屬 訂 立 意 向 書 ， 合 作 開 發 鈾 資 源 業 務 ， 並 向 中 核 集 團 授 出 認 購 權 ， 可 按 每 股 0.201 元 認 購 10 億 股 新 股 。

世 城 好 消 息 升 唔 起
中 核 是 經 國 務 院 批 准 成 立 的 大 型 國 企 ， 也 是 唯 一 一 間 獲 中 國 政 府 授 權 進 行 核 燃 料 進 出 口 及 向 中 國 核 電 站 供 應 燃 料 的 公 司 ， 地 位 無 可 懷 疑 。 如 此 強 勁 的 好 消 息 刺 激 ， 世 城 也 「 僅 」 高 開 16% ， 升 至 0.295 元 後 低 收 0.26 元 。 如 此 表 現 ， 一 方 面 反 映 市 況 仍 差 ， 另 一 方 面 卻 是 高 位 累 積 蟹 貨 太 多 ， 幾 好 消 息 都 炒 唔 起 之 故 。