股 場 放 大 鏡 ： 基 金 現 身 神 州 醫 療 博 反 彈

上 星 期 五 港 股 迴 路 轉 ， 低 位 19386 ， 插 穿 250 日 線 之 後 急 反 彈 ， 守 得 住 重 要 支 持 ， 加 上 美 國 減 息 救 市 ， 相 信 淡 友 大 戶 今 次 「 大 製 作 」 已 暫 告 一 段 落 ， 即 使 再 有 餘 波 ， 都 好 難 再 見 上 周 五 低 位 。

跌 市 過 後 ， 長 線 投 資 者 同 大 戶 落 場 肯 定 係 先 買 龍 頭 股 同 實 力 股 ， 至 於 散 戶 心 態 好 難 捉 摸 ， 唔 少 會 博 跌 到 殘 細 價 股 ， 因 為 大 價 股 一 般 心 理 上 覺 得 貴 ， 同 時 上 落 幅 度 無 咁 大 ， 今 日 高 開 5% ， 未 必 肯 高 位 追 入 ， 反 而 細 價 股 一 日 可 以 上 落 幾 十 巴 仙 ， 敢 追 貨 都 唔 奇 。

揀 股 仔 炒 博 反 彈 ， 個 人 認 為 跌 幅 大 唔 大 並 非 首 要 因 素 ， 第 一 樣 考 慮 要 點 ， 係 財 政 狀 況 是 否 健 全 。 今 年 上 半 年 的 股 仔 炒 作 潮 ， 唔 少 股 票 都 已 成 功 高 位 集 資 ， 如 仍 未 能 集 資 者 ， 相 信 在 隨 後 一 段 時 間 縱 有 心 炒 上 ， 都 未 必 有 力 。 假 如 屬 經 常 集 資 型 股 仔 ， 財 政 又 緊 絀 者 ， 不 宜 沾 手 。

反 而 早 排 已 成 功 集 資 ， 卻 被 實 力 不 足 的 接 貨 者 沽 至 面 目 全 非 的 股 份 ， 有 機 會 出 現 較 大 幅 度 反 彈 ， 例 如 搞 柬 埔 寨 林 木 業 的 神 州 醫 療 （ 8186 ） ， 本 月 較 早 前 配 股 ， 近 日 SDI 披 露 原 來 接 貨 者 為 Keywise 及 瑞 銀 等 ， 復 牌 後 近 兩 個 多 星 期 股 價 由 高 位 跌 一 半 以 上 ， 現 價 仲 平 過 Keywise 及 瑞 銀 之 接 貨 價 （ 分 別 0.597 及 0.53 元 ） ， 博 反 彈 有 水 位 可 睇 。

分 拆 股 有 現 金 回 籠
外 資 銀 行 落 雨 要 收 遮 ， 理 論 上 現 金 量 高 公 司 最 有 利 ， 但 現 金 多 卻 不 派 息 兼 唔 投 資 ， 縱 反 彈 都 力 度 有 限 ， 所 以 另 一 博 反 彈 之 選 係 即 將 分 拆 業 務 ， 將 有 大 量 現 金 回 籠 股 票 ， 例 如 大 成 生 化 （ 809 ） 及 高 寶 綠 色 （ 274 ） 。 以 上 周 五 收 市 價 計 ， 前 者 高 位 累 計 僅 跌 17% ， 後 者 跌 足 49% ， 點 睇 都 係 高 寶 抵 博 ， BNP 睇 高 寶 目 標 價 7.36 元 ， 打 個 5 折 都 有 3.68 元 。