股 場 放 大 鏡 ： 泛 海 業 績 靚 都 冇 用

泛 海 系 「 一 門 三 傑 」 日 前 公 佈 截 至 9 月 底 止 中 期 業 績 ， 其 中 泛 海 集 團 （ 129 ） 受 惠 於 售 樓 收 益 大 幅 增 長 、 融 資 成 本 下 降 ， 以 及 聯 營 公 司 貢 獻 增 加 ， 半 年 純 利 上 升 1.93 倍 至 1.6 億 元 ， 每 股 盈 利 2.26 仙 ， 升 117% ， 中 期 息 維 持 每 股 0.35 仙 。 期 內 融 資 成 本 急 降 46% 至 3429 萬 元 ， 來 自 聯 營 公 司 收 益 則 升 2.97 倍 至 5101 萬 元 ， 因 而 令 整 體 盈 利 增 幅 高 於 營 業 額 增 幅 。 泛 海 PE 不 足 5 倍 ， 早 已 有 很 多 人 幫 佢 秤 資 產 ， 結 果 股 價 不 但 無 起 色 ， 反 而 在 大 升 市 中 仍 不 動 如 山 ， 同 期 求 其 買 一 隻 大 地 產 股 ， 都 有 唔 錯 回 報 。 泛 海 附 屬 公 司 泛 海 酒 店 （ 292 ） 中 期 純 利 上 升 1.52 倍 至 4213 萬 元 ； 每 股 盈 利 升 79% 至 0.34 仙 ， 母 公 司 漢 控 股 （ 214 ） 半 年 純 利 增 長 1.54 倍 至 7300 萬 元 ， 主 要 受 惠 於 聯 營 公 司 泛 海 溢 利 大 升 ； 每 股 盈 利 14.6 仙 ， 升 1.12 倍 。 根 據 以 上 業 績 ， 假 如 是 發 生 在 其 他 大 地 產 股 身 上 ， 早 已 被 捧 上 天 ， 泛 海 升 唔 起 ， 除 有 合 作 夥 伴 Grosvenor 沽 貨 離 場 之 外 ， 公 司 上 半 年 投 資 物 業 重 估 盈 餘 較 上 年 同 期 不 增 反 減 逾 5000 萬 元 ， 資 產 淨 值 僅 增 加 1 億 元 ， 由 47.3 億 元 增 至 48.3 億 元 ， 都 令 人 頗 為 奇 怪 ， 因 業 績 期 內 正 是 本 港 資 產 價 值 飛 升 時 期 ， 公 司 NAV 升 得 太 少 。
往 績 令 人 有 戒 心

以 目 前 上 市 公 司 之 透 明 度 ， 泛 海 業 績 應 該 唔 會 太 過 令 市 場 意 外 ， 只 係 以 往 績 計 泛 海 暫 難 予 市 場 信 心 ， 尤 其 去 年 底 的 3 供 1 供 股 事 件 ， 令 人 對 公 司 好 有 戒 心 。 事 實 上 ， 供 股 後 集 團 資 產 負 債 比 率 由 34% 降 至 24% ， 業 績 期 內 再 降 至 20% ， 根 本 從 未 有 重 債 及 集 資 壓 力 ， 無 端 端 供 股 ， 令 市 場 印 象 大 打 折 扣 。 另 一 方 面 ， 泛 店 05 年 高 位 急 跌 9 成 冇 反 彈 ， 都 係 令 同 系 公 司 升 唔 起 因 素 之 一 。 股 票 ， 從 來 唔 係 用 計 數 機 條 數 出 就 得 。