星期六, 1月 12, 2008

股 場 放 大 鏡 : 平  無 好 泛 海 又 供 股


雖 然 美 股 隔 晚 回 升 百 多 點 , 但 長 實 ( 001 ) 有 策 略 投 資 者 配 售 沽 貨 , 打 殘 晒 地 產 股 , 市 傳 配 股 係 鄧 普 頓 , 假 如 屬 實 , 反 映 有 長 線 機 構 投 資 者 開 始 覺 得 地 產 股 到 價 要 減 持 。
股 價 升 唔 起 必 有 因

大 地 產 股 有 唔 好 消 息 , 細 地 產 股 亦 都 有 , 泛 海 國 際 ( 129 ) 昨 日 復 牌 宣 佈 2 供 1 供 股 集 資 , 股 價 勁 跌 16% , 唔 怪 之 得 佢 個 長 期 起 樓 拍 檔 Grosvenor 都 要 沽 貨 離 場 。 泛 海 以 每 股 0.18 元 供 股 , 集 資 6.52 億 至 7.96 億 元 , 供 股 價 較 泛 海 停 牌 前 每 股 0.28 元 收 市 價 折 讓 35.7% , 集 團 指 供 股 集 資 所 得 擬 用 於 日 後 收 購 香 港 、 澳 門 及 中 國 之 發 展 項 目 。 泛 海 繼 06 年 底 3 供 1 之 後 再 度 出 招 供 股 , 習 慣 同 佢 計 NAV 投 資 者 , 應 該 明 白 呢 間 點 解 升 極 唔 起 , 郁 就 問 股 東 錢 , NAV 折 讓 幾 大 都 無 用 。 根 據 去 年 公 佈 之 中 期 業 績 , 泛 海 06 年 供 股 後 資 產 負 債 比 率 由 34% 降 至 24% , 業 績 期 內 再 降 至 20% , 低 負 債 之 餘 , 泛 海 近 期 只 投 資 過 北 京 一 個 住 宅 項 目 億 幾 銀 , 係 咪 真 係 咁 大 集 資 壓 力 , 大 家 諗 就 知 。 集 團 上 半 年 純 利 急 增 1.9 倍 , 但 係 股 價 刺 激 唔 大 , 長 期 PE 僅 單 位 數 字 , 資 產 折 讓 亦 超 過 50% , 平 果 然 係 有 平 理 由 。 有 股 票 , 大 股 東 根 本 唔 介 意 股 價 長 期 低 迷 , 賬 面 富 貴 對 佢 講 意 義 不 大 , 最 好 長 期 低 殘 , 方 便 日 後 私 有 化 。
禁 加 價 損 企 業 盈 利
中 國 通 脹 嚴 重 , 估 計 12 月 份 通 脹 高 達 6.6% , 因 此 溫 總 以 「 通 脹 猛 於 虎 」 為 施 政 大 前 提 , 除 強 制 電 費 、 天 然 氣 及 成 品 油 價 格 不 能 加 之 外 , 普 通 商 品 相 信 都 好 難 加 價 , 本 周 美 林 才 發 出 報 告 預 期 維 達 ( 3331 ) 等 主 要 紙 巾 商 聯 手 加 價 , 好 可 能 都 要 Hold 住 先 。 商 品 唔 准 加 價 , 即 係 唔 顧 企 業 盈 利 , 正 當 全 球 商 品 尤 其 係 農 產 品 持 續 供 不 應 求 之 際 , 點 可 能 用 行 政 指 令 唔 准 加 價 ? 呢 個 強 制 唔 准 加 價 訊 息 , 係 一 個 好 壞 訊 號 , 提 醒 大 家 買 緊 中 資 股 , 政 策 風 險 一 都 唔 細 。

沒有留言: