股 場 放 大 鏡 ： 撈 啤 酒 股 宜 先 等 等

上 星 期 港 股 勁 跌 ， 其 中 一 類 跌 幅 特 別 大 係 食 品 股 及 飲 品 股 ， 因 為 中 央 為 壓 抑 通 脹 ， 要 出 動 到 行 政 干 預 措 施 ， 發 改 委 推 出 臨 時 價 格 管 制 ， 乳 品 生 產 商 蒙 牛 （ 2319 ） 連 跌 多 日 ， 至 上 周 五 才 由 近 20 元 低 位 反 彈 ， 康 師 傅 （ 322 ） 近 兩 三 個 月 曾 展 現 出 強 勁 抗 跌 力 ， 上 星 期 亦 頂 唔 住 ， 由 13 元 樓 上 ， 幾 個 交 易 日 碌 落 10 元 水 平 。

提 防 燕 京 復 牌 急 挫
本 月 初 曾 熱 炒 啤 酒 股 如 青 島 啤 酒 （ 168 ） 、 金 威 啤 酒 （ 124 ） ， 近 期 亦 受 影 響 ， 連 日 捱 沽 ， 早 前 之 升 幅 幾 乎 無 晒 。 發 改 委 上 周 之 臨 時 價 格 管 制 ， 照 計 只 係 管 必 需 糧 食 ， 啤 酒 非 必 然 飲 品 ， 所 受 影 響 應 該 較 細 ， 家 啤 酒 股 跌 咁 多 ， 係 咪 可 以 撈 底 ？

內 地 啤 酒 品 牌 如 燕 京 、 金 星 、 青 島 已 於 本 月 初 至 中 旬 陸 續 調 高 價 格 ， 金 威 、 雪 花 、 珠 江 陸 續 跟 隨 ， 漲 幅 平 均 約 每 箱 2 元 人 民 幣 ， 跟 住 仲 有 無 得 加 ， 要 睇 內 地 報 章 報 道 。

除 加 價 問 題 ， 由 北 控 （ 392 ） 持 有 ， 深 圳 A 股 掛 牌 燕 京 啤 酒 ， 上 周 四 急 挫 逾 6% 後 ， 周 五 停 牌 ， 公 告 謂 有 待 發 佈 重 大 事 項 。 據 內 地 報 章 指 ， 燕 京 啤 酒 回 應 查 詢 時 表 示 ， 這 次 停 牌 是 由 於 公 司 需 要 再 融 資 ， 而 停 牌 時 間 預 計 在 一 周 左 右 。 所 謂 再 融 資 ， 可 以 配 股 加 入 投 資 者 ， 亦 可 以 係 供 股 ， 而 兩 者 差 別 可 以 好 大 。 燕 京 股 價 由 去 年 11 月 約 15 元 炒 上 最 近 25 元 高 位 ， 若 果 復 牌 消 息 係 負 面 的 話 ， 可 以 跌 得 好 勁 ， 亦 因 此 想 撈 啤 酒 股 都 宜 等 多 一 星 期 至 好 諗 。

博 創 科 藝 高 人 膽 大
創 科 實 業 （ 669 ） 上 周 五 突 急 升 12% ， 呢 隻 股 份 過 去 兩 年 跌 50% 以 上 ， 自 06 年 初 股 價 急 挫 以 來 ， 幾 乎 未 出 現 過 明 顯 反 彈 ， 因 為 創 科 主 要 市 場 美 國 ， 而 且 其 產 品 包 括 電 鑽 及 地 板 護 理 產 品 ， 都 極 受 美 國 房 地 產 市 道 影 響 ， 創 科 股 價 自 06 年 後 股 價 一 沉 不 起 ， 正 正 同 美 國 樓 市 表 現 一 樣 。 創 科 股 價 突 然 轉 強 ， 係 咪 有 所 示 ？ 睇 過 近 期 美 國 房 屋 數 據 ， 仍 敢 博 創 科 人 ， 只 能 用 藝 高 人 膽 大 形 容 。