星期三, 1月 09, 2008

股 場 放 大 鏡 : 葉 氏 質 優 長 hold 考 耐 性


港 股 昨 日 一 度 急 升 逾 450 點 , 收 市 卻 變 成 倒 跌 66 點 , 不 少 早 市 升 得 甚 勁 之 地 產 股 如 新 地 ( 016 ) , 收 市 竟 倒 跌 1 蚊 , 反 映 個 市 認 真 「 陰 濕 」 之 餘 , 大 戶 亦 越 玩 越 短 。

股 息 高 PE 低 財 政 好
短 炒 困 難 , 長 得 唔 得 ? 假 如 錯 過 隻 中 鐵 ( 390 ) 同 埋 中 材 股 份 ( 1893 ) , 要 再 搵 隻 有 咁 上 下 質 素 優 質 中 資 股 , 相 信 頗 為 困 難 , 等 IPO 最 快 要 數 首 季 上 市 、 擬 先 A 後 H 上 市 的 中 鐵 建 。 坊 間 值 得 長 股 票 唔 係 無 , 只 不 過 多 數 都 成 交 不 足 , 要 好 有 耐 性 至 得 。

葉 氏 化 工 ( 408 ) 係 其 中 一 隻 低 PE 、 高 股 息 股 票 , 由 於 集 團 嚴 格 限 制 借 貸 比 率 及 增 長 速 度 , 故 此 財 務 狀 況 一 向 穩 定 , 能 夠 長 時 間 維 持 4 成 派 息 比 率 , 難 得 係 過 去 4 個 年 度 每 年 營 業 額 及 純 利 都 有 相 當 可 觀 增 長 。 呢 間 唔 多 起 眼 冷 門 股 , 竟 然 獲 《 Asia Money 》 選 為 今 年 度 最 佳 Small Cap 公 司 , 認 真 唔 簡 單 。

由 於 公 司 已 累 積 足 夠 財 力 , 正 積 極 尋 求 收 購 合 併 機 會 , 包 括 上 月 斥 資 3179 萬 元 人 民 幣 收 購 內 地 乙 醇 生 產 商 泰 興 金 江 化 工 75% 股 權 , 連 同 未 償 債 務 成 本 約 7000 萬 元 , 可 藉 收 購 在 其 江 蘇 廠 房 添 置 集 團 主 要 產 品 醋 酸 乙 酯 的 原 材 料 生 產 設 施 。 呢 項 收 購 , 由 於 所 生 產 的 乙 醇 會 用 作 生 產 溶 劑 的 原 料 而 非 最 終 產 品 , 故 毋 須 繳 付 5% 消 費 稅 , 計 落 有 賺 。 葉 氏 噚 日 唔 夠 10 萬 股 成 交 , 呢 隻 冷 門 股 只 宜 慢 慢 收 集 。

東 航 好 淡 會 有 劇 鬥
備 受 市 場 注 目 的 東 新 合 併 方 案 , 東 方 航 空 ( 670 ) 於 上 海 舉 行 股 東 會 , 新 航 入 股 遭 股 東 否 決 , H 股 投 票 支 持 的 僅 佔 22.38% , 反 對 佔 77.61% , 即 係 話 呢 個 方 案 以 大 比 數 遭 否 決 。 股 東 會 後 , 東 航 聲 稱 未 接 獲 中 國 國 航 ( 753 ) 收 購 方 案 , 以 及 質 疑 國 航 誠 意 。

由 於 國 航 以 5 元 入 股 方 案 只 係 傳 聞 , 同 時 即 使 5 元 入 股 , 其 戰 略 角 色 如 何 都 充 滿 疑 問 , 故 此 東 航 今 日 復 牌 相 信 會 有 一 定 沽 壓 , 但 跌 得 深 時 又 會 有 收 購 憧 憬 炒 返 上 , 合 晒 炒 家 口 胃 , 一 般 散 戶 則 不 宜 沾 手 。

沒有留言: