星期二, 1月 29, 2008

股 場 放 大 鏡 : 保 險 股 快 可 執 平 貨


上 星 期 六 先 講 過 , 香 港 遇 冷 鋒 , 同 國 內 大 風 雪 無 得 比 , 點 知 近 日 中 國 風 雪 成 災 , 越 演 越 勁 , 電 視 畫 面 所 見 , 民 工 在 火 車 站 捱 冷 捱 餓 多 日 , 只 為 春 節 前 搭 火 車 回 鄉 , 相 當 慘 情 。 國 內 中 部 及 南 部 地 區 驚 見 雨 雪 , 國 內 媒 體 形 容 為 數 十 年 不 遇 , 可 見 災 情 之 惡 劣 。
博 雪 災 後 A 股 回 升

全 國 南 北 鐵 路 及 公 路 交 通 運 輸 幾 已 大 癱 瘓 , 除 了 民 工 有 家 歸 不 得 , 煤 炭 運 輸 亦 受 到 影 響 , 加 上 工 業 及 取 暖 用 電 量 大 增 、 電 廠 煤 儲 量 不 足 , 下 一 個 危 機 可 能 輪 到 缺 煤 及 缺 電 , 工 業 停 產 消 息 料 在 未 來 幾 日 陸 續 出 現 。

中 央 氣 象 台 日 前 已 發 出 最 高 等 級 的 暴 雪 紅 色 警 報 , 顯 示 湖 南 、 湖 北 、 河 南 、 安 徽 、 江 蘇 等 省 有 暴 雪 。 氣 象 台 同 時 提 醒 , 預 計 未 來 幾 天 長 江 中 下 游 地 區 仍 以 雨 雪 天 氣 為 主 , 其 中 湖 北 、 湖 南 北 部 、 安 徽 、 江 蘇 中 部 等 地 的 部 份 地 區 有 大 暴 雪 。 假 如 天 氣 無 好 轉 , 即 未 來 幾 日 內 地 潛 在 爆 發 的 問 題 可 能 會 幾 嚴 重 , 咁 情 況 , 試 問 邊 有 散 戶 仲 敢 入 市 買 貨 ? 昨 日 內 地 A 股 急 瀉 , 也 就 不 難 解 釋 。

內 地 保 險 股 住 大 量 A 股 投 資 , A 股 急 跌 , 保 險 股 自 然 插 得 特 別 甘 , 不 過 假 如 內 地 股 市 急 跌 只 係 因 短 期 受 災 影 響 而 下 跌 , 呢 類 股 份 或 有 低 位 執 平 貨 機 會 , 始 終 內 地 保 險 股 係 有 防 守 性 股 份 , 若 中 國 人 壽 ( 2628 ) 見 跌 落 27 至 28 元 水 平 , 可 以 考 慮 撈 番 多 少 , 博 雪 災 過 後 雨 過 天 青 。
煤 股 神 華 較 穩 陣
由 於 缺 煤 缺 電 情 況 越 加 嚴 峻 , 最 新 情 況 是 全 國 因 缺 煤 停 機 3990 萬 千 瓦 , 佔 全 國 電 力 容 量 5.6% , 10% 電 廠 容 量 存 煤 低 於 3 天 , 全 國 已 有 17 個 省 分 被 迫 拉 閘 限 電 。 雖 然 發 改 委 已 經 建 立 緊 急 小 組 應 變 , 但 發 改 委 早 前 才 出 手 強 迫 電 廠 不 准 加 價 , 電 廠 與 煤 商 之 間 的 矛 盾 , 恐 怕 不 易 解 決 。 亦 因 此 昨 日 跌 市 煤 股 全 面 造 好 , 鼎 ( 1393 ) 更 一 度 急 升 23% , 但 收 市 只 升 得 2.5% , 高 位 追 入 者 都 幾 傷 , 若 買 煤 股 都 係 神 華 ( 1088 ) 穩 陣 。

沒有留言: