星期三, 1月 30, 2008

股 場 放 大 鏡 : 四 叔 因 乜 睇 淡 港 交 所


被 視 為 股 神 恆基 地 產 ( 012 ) 主 席 李 兆 基 昨 日 再 度 開 腔 , 表 示 指 早 前 跌 至 22000 點 係 「 跌 過 龍 」 , 預 期 指 有 力 慢 慢 回 升 , 首 季 可 重 上 27000 至 30000 。 呢 個 目 標 , 表 面 睇 好 似 仍 然 好 樂 觀 , 但 係 以 港 股 今 時 今 日 之 波 幅 , 幾 日 升 跌 兩 三 千 點 係 平 常 事 , 以 昨 日 收 市 價 計 , 升 多 二 千 幾 三 千 點 就 會 到 下 限 目 標 。

不 過 李 兆 基 預 期 港 股 第 二 季 會 進 入 牛 皮 市 , 宜 守 不 宜 攻 , 原 因 港 股 向 來 是 「 五 窮 六 絕 」 , 至 於 年 底 目 標 就 太 長 遠 , 暫 時 不 作 預 測 。 以 上 預 測 , 同 瑞 銀 陸 東 早 前 所 講 , 港 股 今 年 會 先 低 後 高 再 低 , 頗 有 相 似 之 處 。 當 然 現 在 環 球 金 融 市 場 極 度 動 盪 , 一 單 法 興 交 易 員 炒 爆 倉 已 經 搞 到 咁 大 件 事 , 要 預 測 未 來 一 兩 星 期 都 難 , 莫 講 話 一 兩 季 。 相 信 媒 體 報 道 焦 點 會 係 以 上 指 預 測 , 其 實 「 四 叔 」 話 自 己 係 股 民 唔 係 股 神 , 呼 籲 投 資 者 唔 好 日 日 入 市 短 炒 , 應 係 四 叔 講 話 重 心 , 始 終 舊 年 次 次 開 口 中 之 後 , 對 上 一 次 估 唔 中 , 俾 好 多 人 埋 怨 。

內 房 股 要 避 一 避
「 四 叔 名 單 」 繼 續 推 介 能 源 股 , 包 括 神 華 ( 1088 ) 、 中 煤 ( 1898 ) 、 中 石 油 ( 857 ) 、 中 海 油 ( 883 ) 、 國 壽 ( 2628 ) 及 招 行 ( 3968 ) , 至 於 早 前 有 推 介 的 港 交 所 ( 388 ) 就 「 冇 咁 好 」 , 另 由 於 內 地 繼 續 宏 調 , 金 融 及 房 地 產 股 要 避 一 避 。 以 上 貼 士 , 歐 陽 風 覺 得 港 交 所 「 冇 咁 好 」 呢 句 可 圈 可 點 , 係 咪 四 叔 有 關 於 「 直 通 車 」 內 幕 料 ?

澳 華 受 缺 電 影 響
澳 華 黃 金 ( 1862 ) 噚 日 開 市 前 停 牌 , 下 午 復 牌 , 唔 係 有 乜 好 消 息 , 而 係 交 代 旗 下 金 礦 因 缺 電 而 影 響 產 能 。 澳 華 表 示 , 最 近 中 國 南 方 嚴 冬 的 冰 雪 風 暴 影 響 了 發 電 廠 的 煤 炭 供 應 , 因 此 , 貴 州 省 當 局 採 取 電 力 限 制 措 施 , 其 間 集 團 位 於 貴 州 的 錦 豐 礦 山 , 2 月 份 產 量 將 低 於 預 期 。 集 團 預 測 在 農 曆 新 年 假 期 後 , 錦 豐 礦 山 可 望 得 到 足 額 電 力 供 應 。 仲 有 成 10 日 至 到 農 曆 新 年 , 期 間 呢 類 消 息 相 信 陸 續 有 來 。

沒有留言: