股 場 放 大 鏡 ： 創 銀 趁 低 吸 廖 企 耐 心 長 hold

噚 日 市 場 焦 點 在 幾 隻 國 內 銀 行 股 ， 因 為 招 行 （ 3968 ） 及 工 行 （ 1398 ） 發 出 盈 利 大 增 預 告 。 其 實 銀 行 業 一 向 盈 利 能 力 甚 強 ， 尤 其 在 國 內 更 適 逢 經 濟 強 勁 增 長 ， 中 資 銀 行 股 之 所 以 悶 一 輪 ， 好 可 能 係 中 央 早 前 調 高 銀 行 存 款 準 備 金 ， 現 在 有 銀 行 預 告 盈 利 大 增 長 ， 基 金 同 散 戶 當 然 要 急 補 貨 。

炒 完 以 上 中 資 銀 行 股 ， 相 信 資 金 遲 早 會 炒 到 本 地 銀 行 股 ， 其 中 在 今 年 1 月 因 賣 盤 憧 憬 而 大 幅 炒 上 創 興 銀 行 （ 1111 ） ， 經 過 半 年 調 整 之 後 ， 現 已 打 回 原 形 去 返 18 蚊 位 ， 圖 表 走 勢 開 始 轉 強 ， 係 時 候 買 定 等 爆 上 。

至 於 持 有 創 興 銀 行 控 股 公 司 廖 創 興 企 業 （ 194 ） 雖 然 平 日 成 交 疏 落 ， 但 噚 日 不 經 不 覺 已 經 升 至 年 初 急 升 時 之 高 位 。 呢 間 控 股 公 司 絕 對 係 一 隻 真 正 Asset play ， 除 持 有 約 45% 創 銀 之 外 ， 仲 擁 有 大 量 中 港 物 業 ， 而 且 已 在 國 內 自 行 發 展 項 目 ， 屬 半 發 展 商 。 創 銀 現 市 值 約 79.8 億 元 ， 廖 企 所 持 權 益 值 36 億 元 ， 假 如 日 後 以 溢 價 出 售 控 股 權 ， 價 值 更 高 ， 廖 企 市 值 只 不 過 50 億 元 ， 等 於 其 他 物 業 大 平 賣 ， 不 過 呢 隻 股 要 考 耐 性 ， 唔 同 一 般 當 炒 股 炒 法 。

宏 昌 配 股 後 首 見 異 動
噚 日 風 力 發 電 股 當 炒 ， 環 保 概 念 仍 然 係 市 場 焦 點 之 一 。 上 月 以 每 股 0.72 元 配 股 予 Galaxy 等 基 金 宏 昌 （ 061 ） ， 噚 日 出 現 異 動 ， 急 升 11% ， 收 0.70 元 ， 但 仍 低 於 配 股 價 。 該 公 司 剛 收 購 甘 草 種 植 業 務 ， 內 蒙 自 治 區 及 新 疆 等 地 種 植 ， 並 獲 賣 方 提 供 未 來 12 年 每 年 盈 利 不 少 於 700 萬 元 之 盈 利 保 證 ， 即 係 收 購 PE 約 11 倍 。 由 於 合 作 夥 伴 天 蘭 集 團 國 內 專 長 治 沙 、 種 植 及 養 殖 業 務 ， 而 中 國 正 力 抗 北 部 地 區 沙 漠 化 ， 有 另 類 環 保 概 念 。