股 場 放 大 鏡 ： 業 務 有 賣 點 高 寶 獲 大 行 唱 好

高 寶 綠 色 （ 274 ） 上 周 五 在 港 股 大 跌 情 況 下 「 喪 升 」 46% ， 技 驚 四 座 ， 噚 日 一 度 再 升 逾 兩 成 ， 收 市 升 幅 收 窄 至 7.3% 。 該 公 司 上 周 五 宣 佈 ， 經 過 與 德 國 政 府 1 年 多 之 磋 商 ， 德 國 政 府 最 終 確 認 高 寶 綠 色 之 再 造 技 術 為 環 保 技 術 ， 公 司 並 獲 授 特 許 證 ， 德 國 政 府 將 會 補 貼 該 公 司 在 香 港 進 口 德 國 之 廢 車 胎 。 記 得 高 寶 數 年 前 剛 公 佈 開 發 以 上 項 目 時 ， 被 評 為 效 益 不 足 ， 皆 因 當 時 油 價 無 咁 貴 ， 同 時 回 收 廢 車 胎 成 本 高 昂 ， 有 無 錢 賺 都 成 問 題 。 不 過 以 上 消 息 證 明 呢 項 投 資 係 得 ， 除 技 術 獲 得 確 認 ， 由 於 胡 亂 棄 置 廢 車 胎 會 造 成 環 境 污 染 ， 既 然 可 以 環 保 處 理 ， 德 國 政 府 補 貼 少 少 而 令 雙 方 得 益 又 何 妨 。 不 過 高 寶 近 期 升 得 咁 勁 ， 話 全 因 呢 個 消 息 未 免 太 誇 ， 真 正 升 因 應 係 BNP 上 周 四 出 一 份 報 告 ， 上 周 五 廣 泛 流 傳 後 才 喪 升 。 報 告 給 予 高 寶 買 入 評 級 ， 目 標 價 睇 7.36 元 ， 理 由 係 公 司 屬 真 正 綠 色 能 源 企 業 ， 輪 胎 轉 汽 油 業 務 經 營 利 潤 率 達 70% ， 而 即 將 分 拆 高 增 長 的 化 妝 品 業 務 也 屬 利 好 。 報 告 話 港 府 給 予 高 寶 的 回 收 廠 ， 每 個 車 胎 補 貼 90 港 元 ， 該 廠 房 總 投 資 2.58 億 元 ， 在 有 補 貼 情 況 下 ， 1 年 便 可 回 本 ， 無 補 貼 下 則 要 3 年 。 當 廠 房 完 全 運 作 後 ， 盈 利 貢 獻 會 超 過 高 寶 現 有 業 務 。 睇 圖 表 好 難 落 手 去 買 高 寶 ， 但 係 睇 完 報 告 ， 卻 係 相 當 吸 引 。
尋 找 A 股 受 惠 股

內 地 A 股 勁 升 ， A50 中 國 基 金 （ 2823 ） 再 創 新 高 ， 連 帶 翔 龍 （ 820 ） 都 可 以 再 升 ， A 股 概 念 股 中 國 復 星 （ 656 ） 再 升 6.6% ， 睇 要 畀 心 機 發 掘 A 股 概 念 股 ， 除 長 城 科 技 （ 074 ） 之 外 應 有 更 多 選 擇 ， 包 括 內 地 保 險 股 。