近 排 若 干 本 地 零 售 股 忽 然 有 資 金 炒 上 ， 最 明 顯 莫 過 於 東 方 表 行 （ 398 ） ， 最 近 5 個 交 易 日 ， 股 價 由 2.20 元 急 升 至 3.88 元 ， 升 幅 達 76% ， 喪 升 背 後 有 乜 消 息 支 持 ？ 翻 查 最 近 公 司 所 發 通 告 ， 除 不 明 股 價 升 因 之 外 ， 上 月 公 司 曾 私 人 配 售 認 股 證 ， 可 於 未 來 30 個 月 內 以 每 股 1.81 元 認 購 新 股 ， 涉 及 5500 萬 份 股 權 證 。
假 如 認 股 權 證 獲 行 使 ， 公 司 可 集 得 資 金 近 1 億 元 。 通 告 話 發 認 股 權 證 係 為 發 展 國 內 分 店 ， 過 去 1 年 集 團 已 在 國 內 增 設 11 間 分 店 ， 管 理 層 正 嘗 試 開 發 中 國 零 售 市 場 並 以 此 為 長 遠 目 標 。 由 於 每 份 認 股 證 成 本 只 係 0.02 元 ， 股 證 持 有 人 上 月 購 輪 後 即 賺 ， 近 期 升 得 咁 急 ， 賺 得 仲 勁 。 一 講 話 沾 上 內 地 零 售 概 念 ， 東 方 表 行 PE 就 由 10 倍 升 至 16 倍 幾 ， 似 乎 炒 得 有 點 過 火 ， 講 內 需 概 念 ， 同 業 中 以 六 福 集 團 （ 590 ） 最 為 實 在 。
六 福 集 團 早 已 發 展 國 內 業 務 ， 去 年 9 月 底 止 在 內 地 的 六 福 品 牌 店 已 增 加 至 220 間 ， 內 地 店 舖 絕 大 多 數 是 以 特 許 經 營 的 方 式 開 設 ， 因 開 業 成 本 較 低 ， 加 上 已 具 相 當 品 牌 效 應 ， 故 此 已 輕 易 建 立 全 國 零 售 網 絡 。 六 福 去 年 底 因 業 績 而 被 市 場 重 估 ， 但 今 年 4 月 以 來 變 成 橫 行 穩 步 向 上 ， 有 得 炒 水 漲 船 高 效 應 。
先 施 錶 行 都 追 落 後
唔 知 係 咪 睇 住 東 方 表 行 升 咁 多 ， 上 星 期 五 先 施 錶 行 （ 444 ） 都 有 買 盤 追 落 後 ， 上 周 五 一 度 升 逾 5 成 ， 收 市 升 24% 。 此 股 05 年 10 月 上 市 後 好 快 已 經 潛 水 ， 去 年 10 月 更 加 曾 跌 至 0.54 元 低 位 ， 但 係 年 幾 以 來 跌 幅 ， 呢 兩 個 月 升 幅 已 經 補 番 有 凸 。 該 公 司 早 前 公 佈 之 去 年 度 每 股 盈 利 10.7 仙 ， 現 價 PE 約 13 倍 ， 表 面 上 唔 算 貴 ， 但 係 此 股 一 向 成 交 疏 落 ， 股 價 波 動 自 然 特 大 ， 未 必 合 一 般 散 戶 。
沒有留言:
發佈留言