中 國 A 股 期 待 已 久 的 反 彈 浪 終 於 出 現 ， 國 內 股 民 都 算 守 得 雲 開 見 月 明 。 近 日 常 被 談 論 的 A50 中 國 基 金 （ 2823 ） 又 現 大 成 交 ， 半 日 成 交 已 近 50 億 ， 逼 近 上 周 四 的 全 日 成 交 ， 全 日 則 為 71.6 億 元 ， 繼 續 佔 據 榜 首 。
A 股 升 勢 成 形 ， 市 場 傳 聞 多 多 ， 最 新 一 則 是 中 證 監 邀 請 本 港 財 金 界 人 士 到 國 內 出 席 研 討 會 ， 傾 救 市 良 方 。 看 來 ， 外 資 大 行 上 周 突 然 齊 心 高 唱 奧 運 前 後 有 救 市 措 施 出 台 ， 唔 係 純 粹 靠 估 。 大 行 亦 以 估 值 吸 引 形 容 A 股 ， 噚 日 又 多 一 間 霸 菱 話 睇 好 A 股 ， 特 別 係 內 需 股 表 現 ， 理 由 係 股 市 雖 波 動 ， 國 內 經 濟 卻 未 必 一 樣 波 動 。
假 如 A 股 持 續 反 彈 ， 除 吸 納 一 A 股 基 金 及 保 險 股 之 外 ， 唔 少 香 港 上 市 公 司 其 實 都 持 有 不 少 A 股 ， 復 星 （ 656 ） 之 外 ， 中 航 科 工 （ 2357 ） 都 唔 少 A 股 。 中 航 科 工 手 持 4 隻 上 海 A 股 股 份 ， 包 括 從 事 汽 車 業 的 東 安 動 力 （ 54.51% ） 、 昌 河 股 份 （ 63.22% ） 及 哈 飛 股 份 （ 50.05% ） ， 另 持 有 從 事 航 空 業 的 洪 都 航 空 （ 55.29% ） 股 權 ， 以 上 股 份 昨 上 升 6% 至 9% 不 等 。
所 持 資 產 質 素 OK
較 早 前 中 航 科 工 宣 佈 研 究 與 內 地 東 風 集 團 組 成 汽 車 合 營 企 業 ， 其 中 中 航 科 工 以 手 上 的 東 安 動 力 可 流 通 股 份 、 及 哈 飛 汽 車 的 部 份 汽 車 業 務 資 產 作 出 資 代 價 ， 而 東 風 集 團 則 以 現 金 出 資 ， 有 關 方 面 目 前 仍 正 在 商 討 組 建 事 宜 。 其 實 在 重 組 之 前 ， 東 安 動 力 月 前 已 公 佈 盈 喜 ， 洪 都 航 空 首 季 亦 轉 虧 為 盈 賺 3700 萬 元 人 民 幣 ， 反 映 所 持 資 產 質 素 唔 差 ， 中 航 科 工 昨 僅 升 1.8% ， 仍 有 水 位 炒 落 後 。
美 聯 舖 無 謂 高 追
去 年 中 以 來 股 價 由 0.28 元 一 路 跌 至 變 仙 股 ， 炒 極 唔 起 美 聯 工 商 舖 （ 8090 ） 噚 日 急 升 23% ， 因 公 司 表 示 計 劃 轉 往 主 板 上 市 。 呢 隻 股 仔 在 早 前 同 系 美 聯 集 團 （ 1200 ） 狂 炒 ， 工 商 舖 亦 見 炒 風 之 時 ， 股 價 都 不 動 如 山 ， 似 乎 同 樓 市 、 物 業 成 交 等 市 場 現 象 無 甚 關 係 ， 令 睇 中 此 股 投 資 者 感 到 無 癮 。 公 司 主 要 股 東 龐 維 新 自 去 年 中 不 停 減 持 ， 相 信 係 股 價 升 唔 起 主 因 ， 昨 急 升 後 至 高 追 ， 未 必 有 著 數 。
沒有留言:
發佈留言