中 國 中 鐵 （ 390 ） 係 近 期 比 較 令 人 失 望 的 H 股 之 一 ， 大 市 反 彈 5000 點 ， 但 其 股 價 跑 輸 成 條 街 ， 昨 公 佈 上 市 首 份 全 年 業 績 後 ， 股 價 更 跌 逾 4% 。 業 績 顯 示 ， 集 團 07 年 純 利 24.2 億 元 （ 人 民 幣 ． 下 同 ） ， 同 比 增 長 18.4% ， 合 乎 招 股 書 預 測 。 中 鐵 去 年 度 總 收 入 1737.5 億 元 ， 其 中 基 建 業 務 收 入 1649.5 億 元 ， 同 比 增 長 17.5% ， 未 完 成 合 同 約 2164 億 元 ， 同 比 增 長 36.2% 。 至 於 中 鐵 去 年 新 簽 的 基 建 相 關 業 務 ， 合 同 金 額 達 2484 億 元 ， 同 比 增 25.8% 。 去 年 內 地 房 地 產 價 格 持 續 上 升 ， 亦 令 中 鐵 地 產 業 務 收 入 迅 速 增 長 ， 去 年 度 有 關 收 入 錄 得 32.8 億 元 ， 同 比 增 74.7% 。
業 績 看 來 並 無 不 妥 ， 不 過 昨 日 公 司 宣 佈 ， 與 中 水 集 團 及 剛 果 政 府 成 立 合 資 公 司 華 剛 礦 業 ， 中 鐵 出 資 4300 萬 美 元 ， 與 中 水 及 剛 果 政 府 合 作 採 礦 。 據 管 理 層 稱 ， 中 鐵 現 時 擁 有 50 個 採 礦 權 ， 包 括 黃 金 、 銅 、 鋅 等 ， 部 份 在 建 設 中 ， 部 份 則 會 陸 續 投 產 ， 當 中 位 於 內 蒙 古 的 黃 金 礦 會 於 4 月 份 投 產 ， 而 投 資 於 非 洲 剛 果 的 銅 鈷 礦 ， 預 期 會 於 7 月 投 產 。 鐵 路 股 搞 礦 ， 雖 然 冇 話 唔 得 ， 但 總 予 人 業 務 不 純 之 感 。
毛 利 率 降 被 調 低 評 級
中 鐵 業 績 公 佈 後 ， 證 券 界 反 應 不 算 理 想 ， 被 摩 通 調 低 目 標 價 約 4% 至 8.4 元 ， 主 要 係 因 為 毛 利 率 下 跌 ， 可 見 中 鐵 股 價 低 殘 兼 唔 炒 ， 的 確 有 因 由 ， 揀 基 建 股 炒 ， 似 乎 中 交 建 （ 1800 ） 會 係 較 佳 選 擇 ， 中 鐵 建 （ 1186 ） H 股 較 A 股 折 讓 不 多 ， 其 實 算 強 勢 ， 不 過 亦 只 宜 低 吸 。
沒有留言:
發佈留言