股 場 放 大 鏡 ： 大 行 海 鮮 價 玩 殘 信 義

信 義 玻 璃 （ 868 ） 昨 股 價 出 現 異 動 ， 一 度 急 升 近 15% ， 收 市 仍 升 10% ， 該 公 司 自 上 月 底 公 佈 業 績 後 ， 已 經 連 跌 9 個 交 易 日 ， 噚 日 至 叫 做 第 一 日 回 升 。 信 義 去 年 度 業 績 其 實 唔 差 ， 股 東 應 佔 溢 利 6.71 億 元 ， 增 長 72.8% ， 每 股 盈 利 41.1 仙 ， 現 價 計 往 績 PE 僅 11 倍 ， 業 績 公 佈 後 之 沽 壓 令 人 摸 不 頭 腦 。 由 於 信 義 有 番 咁 上 下 市 值 ， 一 向 有 唔 少 大 行 follow ， 業 績 公 佈 後 大 行 普 遍 都 持 正 面 睇 法 ， 其 中 最 樂 觀 係 摩 根 士 丹 利 ， 認 為 集 團 在 下 半 年 度 原 材 料 急 升 之 下 仍 取 得 佳 績 ， 增 長 前 景 仍 然 十 分 樂 觀 ， 預 期 2008 至 2010 年 複 合 盈 利 增 長 達 41.9% ， 維 持 增 持 評 級 及 目 標 價 13.40 元 。
睇 淡 理 由 牽 強

表 面 睇 目 標 價 13.40 元 遙 不 可 及 ， 但 假 如 大 摩 盈 利 預 測 正 確 ， 集 團 至 2010 年 的 每 股 盈 利 將 達 1.17 元 ， 現 價 4.74 元 豈 非 超 平 ？ 不 過 亦 有 另 類 報 告 ， 瑞 信 將 信 義 目 標 價 由 10 元 過 外 大 幅 調 低 至 3.50 元 ， 理 由 係 涉 及 出 口 及 受 原 材 料 漲 價 影 響 ， 不 過 睇 番 業 績 ， 集 團 期 內 毛 利 不 減 反 增 ， 而 且 內 銷 佔 成 一 半 ， 睇 淡 理 由 牽 強 。 信 義 由 去 年 10 月 高 位 11.40 元 跌 到 落 ， 仲 將 目 標 價 定 十 幾 蚊 唔 俾 客 鬧 死 至 奇 ， 調 低 目 標 價 等 於 「 跌 落 地 番 渣 沙 」 。