星期五, 6月 29, 2007

股 場 放 大 鏡 : 買 伯 明 翰 泓 鋒 禍 福 難 料


港 商 楊 家 誠 計 劃 收 購 來 季 升 上 英 超 作 賽 的 球 會 伯 明 翰 , 由 於 交 易 係 以 楊 氏 入 主 無 耐 泓 鋒 ( 2309 ) 名 義 買 入 , 故 此 呢 單 交 易 既 係 首 次 港 人 擁 有 英 超 球 會 , 亦 係 首 間 上 市 公 司 擁 有 英 超 球 會 。 對 於 上 市 公 司 投 資 球 會 , 港 交 所 ( 388 ) 應 該 未 處 理 過 , 但 既 然 上 市 公 司 搞 賭 都 可 以 解 禁 , 搞 波 應 該 唔 成 問 題 。 各 國 富 商 近 年 爭 相 入 股 英 超 球 會 , 皆 因 英 超 聯 係 全 球 最 受 歡 迎 之 足 球 聯 賽 , 除 球 賽 入 座 率 高 、 球 會 商 品 賺 錢 之 外 , 電 視 轉 播 收 入 至 和 味 , 睇 睇 NOW 以 天 價 奪 取 轉 播 權 就 知 。 日 後 假 如 交 易 成 功 , 泓 鋒 股 東 變 相 等 於 伯 明 翰 股 東 , 諗 落 好 似 幾 過 癮 , 但 係 呢 盤 生 意 係 咪 真 係 咁 易 賺 錢 , 卻 係 另 一 回 事 。 今 次 泓 鋒 以 1500 萬 鎊 取 得 伯 明 翰 近 30% 權 益 , 肯 定 不 是 一 筆 過 投 資 , 日 後 大 股 東 仍 要 負 起 球 會 開 支 , 英 超 球 員 周 薪 同 英 冠 係 兩 回 事 , 開 支 必 然 大 增 。 由 於 以 上 股 份 係 向 其 他 原 有 股 東 收 購 , 意 味 球 會 要 由 新 股 東 注 入 資 金 至 可 以 支 付 班 費 , 可 以 預 期 泓 鋒 日 後 必 定 要 大 舉 集 資 應 付 。 最 重 要 問 題 係 , 升 班 馬 要 長 期 立 足 英 超 並 非 易 事 , 假 如 成 績 低 落 下 季 要 降 班 , 大 筆 投 資 可 能 玩 完 一 季 就 冇 晒 。
永 安 中 途 復 牌 插 水

交 易 所 開 創 先 河 , 噚 日 畀 永 安 旅 遊 ( 1189 ) 下 午 復 牌 , 結 果 高 開 1 蚊 之 後 直 插 , 低 收 0.71 元 , 跌 穿 配 股 價 0.8 元 。 股 價 表 現 如 此 惡 劣 , 睇 完 復 牌 通 告 可 能 明 白 , 通 告 話 現 時 股 市 氣 氛 熾 熱 , 故 係 配 股 集 資 良 機 , 另 外 早 前 兩 次 集 資 已 用 於 還 債 及 投 資 , 即 係 使 晒 。 既 然 唔 係 轉 型 有 消 息 跟 尾 , 配 完 股 可 以 講 係 完 成 任 務 , 暫 時 再 無 炒 上 誘 因 。

沒有留言: