噚 日 指 創 收 市 新 高 ， 股 市 氣 氛 表 面 上 大 旺 ， 惟 若 然 手 上 住 係 細 價 股 ， 噚 日 似 大 跌 市 多 過 升 市 。 股 仔 之 所 以 急 跌 ， 市 場 流 傳 多 個 版 本 ， 其 中 一 個 同 窩 輪 商 有 關 ， 不 過 話 明 係 傳 聞 ， 是 否 屬 實 好 難 證 實 。
事 實 上 ， 市 場 資 金 本 來 炒 炒 去 都 係 注 錢 ， 早 排 大 市 橫 行 ， 當 然 係 炒 唔 多 跟 大 市 細 價 股 ， 家 輪 到 中 資 大 股 炒 上 ， 梗 係 沽 細 價 股 買 大 價 股 。 另 一 方 面 ， 細 價 股 近 期 連 最 劣 質 都 炒 上 去 ， 大 部 份 已 極 度 超 買 ， 水 位 有 限 之 下 炒 家 沽 貨 離 場 好 正 常 。
日 前 講 過 減 排 節 能 係 國 策 ， 噚 日 睇 得 隻 香 港 建 設 （ 190 ） 有 力 上 升 ， 其 他 受 股 仔 氣 氛 惡 劣 所 影 響 ， 沽 壓 頗 為 沉 重 。 正 路 環 保 股 ， 本 來 應 數 中 糧 控 股 （ 606 ） ， 因 乙 醇 呢 種 生 物 燃 料 ， 全 世 界 都 正 大 搞 ， 中 國 無 理 由 完 全 唔 做 。 可 惜 中 國 更 大 問 題 唔 在 於 燃 料 而 在 十 多 億 人 口 糧 食 ， 用 粟 米 搞 乙 醇 ， 搞 到 飼 料 價 同 豬 肉 價 飛 升 ， 變 唔 係 國 策 受 惠 股 。
前 景 毋 須 過 份 看 淡
中 糧 日 前 宣 佈 與 徐 州 市 政 府 訂 立 協 議 ， 擬 興 建 一 個 非 糧 作 物 （ 甘 薯 ） 乙 醇 新 項 目 ， 年 產 量 達 10 萬 公 噸 。 呢 個 消 息 如 果 上 個 月 公 佈 ， 好 可 能 已 經 令 到 中 糧 股 價 急 升 ， 但 係 噚 日 消 息 卻 令 中 糧 跌 2.8% 。 其 實 乙 醇 作 為 燃 料 氧 化 劑 ， 當 乙 醇 與 汽 油 混 合 後 ， 能 令 燃 料 更 徹 底 燃 燒 ， 大 幅 減 少 汽 車 排 放 物 及 二 氧 化 碳 ， 而 現 時 國 際 正 合 力 減 排 解 決 溫 室 效 應 ， 中 糧 前 景 未 必 真 係 咁 差 ， 可 以 等 芬 佬 沽 完 貨 ， 破 埋 底 再 撈 。
歐陽風
沒有留言:
發佈留言