股 場 放 大 鏡 ： 炒 資 產 折 讓 力 華 更 值 得 留 意

莊 士 機 構 （ 367 ） 因 投 資 越 南 地 產 而 股 價 連 升 6 日 ， 呢 個 商 住 地 產 項 目 ， 註 冊 資 本 投 資 只 係 1.2 億 ， 但 係 成 個 項 目 投 資 近 11 億 元 ， 莊 士 佔 7 成 權 益 ， 以 莊 士 市 值 31 億 銀 計 ， 呢 個 項 目 佔 莊 士 市 值 比 例 唔 細 ， 睇 完 陸 氏 （ 366 ） ， 唔 會 對 莊 士 炒 上 好 出 奇 。 不 過 有 人 話 莊 士 急 升 係 炒 資 產 折 讓 ， 就 完 全 唔 能 夠 接 受 。

持 有 大 量 資 產 上 市 控 股 公 司 ， 之 所 以 出 現 龐 大 資 產 折 讓 ， 主 要 係 因 為 控 權 公 司 地 位 處 於 被 動 位 置 ， 其 他 原 因 ， 要 睇 資 產 實 際 值 唔 值 呢 個 價 、 流 通 性 高 唔 高 等 ， 而 另 一 個 關 鍵 因 素 ， 係 管 理 層 往 績 如 何 ， 如 果 管 理 層 將 上 市 公 司 資 產 出 售 而 去 買 一 更 次 等 資 產 ， 咁 折 讓 幾 大 都 無 用 。

如 果 淨 係 要 數 資 產 豐 厚 同 估 值 偏 低 ， 寧 取 力 寶 華 潤 （ 156 ） 。 力 華 現 持 有 香 港 華 人 （ 655 ） 以 及 多 項 投 資 物 業 ， 遍 佈 香 港 、 中 國 及 亞 洲 地 區 ， 近 年 ， 其 被 動 物 業 投 資 者 角 色 有 所 改 變 ， 由 收 購 已 落 成 物 業 收 租 ， 改 為 主 動 發 展 商 角 色 ， 包 括 新 加 坡 項 目 同 埋 月 前 於 韓 國 亞 運 村 仁 川 自 由 經 濟 區 ， 都 係 以 發 展 商 角 色 參 與 ， 論 賺 錢 及 增 值 能 力 ， 當 然 高 過 純 收 租 多 多 聲 。 噚 日 同 系 股 價 見 異 動 ， 有 高 度 留 意 價 值 。

中 信 21 整 固 尾 聲

中 信 21 世 紀 （ 241 ） 上 個 月 尾 由 0.95 元 ， 短 短 3 個 交 易 日 炒 到 上 1.85 元 ， 升 幅 近 倍 ， 呢 隻 股 一 係 唔 炒 ， 一 炒 就 非 常 狂 野 ， 如 04 年 就 半 年 時 間 炒 高 5 倍 。 中 信 系 近 日 最 受 注 目 動 作 係 中 信 國 安 夥 同 其 他 投 資 者 入 主 亞 視 ， 反 而 中 信 21 就 到 家 都 未 見 有 通 告 ， 只 係 有 傳 聞 話 佢 擬 將 藥 檢 網 分 拆 上 市 。 中 信 21 整 固 個 多 星 期 後 昨 有 勢 再 起 動 ， 但 只 宜 細 細 注 短 炒 。