早 排 水 泥 股 當 炒 ， 台 泥 國 際 （ 1136 ） 同 安 徽 海 螺 （ 914 ） 短 時 間 都 出 現 驚 人 升 幅 ， 另 一 隻 水 泥 股 仔 上 聯 水 泥 （ 1060 ） 亦 都 唔 失 禮 ， 唔 夠 兩 個 月 由 0.50 元 升 至 近 2.50 元 ， 升 幅 5 倍 。
呢 隻 水 泥 股 仔 最 近 易 手 ， 原 大 股 東 天 安 中 國 （ 028 ） 以 每 股 0.70 元 悉 數 配 售 上 聯 3.99 億 股 ， 而 承 配 人 中 包 括 中 國 網 絡 （ 383 ） 認 購 1.24 億 股 ， 代 價 8776 萬 ， 持 股 量 由 9.99% 增 至 26.99% 。
中 國 網 絡 持 有 天 安 最 終 控 權 股 東 聯 合 集 團 （ 373 ） 近 10% ， 成 單 交 易 可 理 解 為 重 組 多 。
聯 合 系 內 公 司 過 去 1 年 宣 佈 多 次 重 組 ， 包 括 去 年 由 聯 合 地 產 （ 056 ） 旗 下 新 鴻 基 公 司 （ 086 ） 收 購 聯 合 集 團 亞 洲 聯 合 財 務 ， 令 經 紀 、 金 融 同 埋 財 務 借 貸 生 意 可 以 由 同 一 間 上 市 公 司 發 展 ， 及 由 新 鴻 基 公 司 向 卓 健 亞 洲 （ 593 ） 提 出 全 購 ， 而 上 月 中 則 出 售 建 屋 貸 款 （ 145 ） 成 間 公 司 。
系 內 擁 有 大 量 資 產 ， 涉 及 咁 多 間 上 市 公 司 ， 砌 番 掂 盤 數 ， 上 市 公 司 更 值 錢 。 聯 地 截 至 去 年 底 止 全 年 純 利 13.09 億 元 ， 每 股 盈 利 1.99 元 ， 現 價 計 PE 僅 5 倍 ， 近 日 中 國 網 絡 同 卓 健 股 價 都 有 龐 大 升 幅 ， 聯 地 有 機 會 追 落 後 ， 買 多 隻 可 以 留 意 埋 新 鴻 基 公 司 ， 炒 完 英 皇 證 券 （ 717 ） 同 埋 敦 沛 （ 812 ） ， 新 鴻 基 公 司 更 值 錢 。
盈 進 抵 過 百 麗 多 多 聲
百 麗 （ 1880 ） 上 市 首 日 表 現 令 到 好 多 人 失 望 ， 噚 日 終 見 有 睇 ， 同 樣 賣 鞋 盈 進 （ 1386 ） 噚 日 截 飛 ， 此 股 以 07 年 往 績 PE 計 約 23 至 28 倍 招 股 ， 遠 低 過 百 麗 53 倍 ， 前 者 預 測 來 年 PE 則 低 於 20 倍 ， 而 百 麗 則 超 過 40 倍 ， 雖 則 話 兩 隻 規 模 差 得 遠 ， 但 係 同 樣 Sell 內 需 概 念 ， 估 值 無 理 由 差 咁 遠 ， 上 市 首 日 應 該 唔 會 令 捧 場 客 失 望 。
歐陽風
沒有留言:
發佈留言