股 場 放 大 鏡 ： 賣 地 瘋 狂 泛 海 得 益

噚 日 市 場 熱 門 話 題 係 賣 地 成 績 ， 當 中 香 港 仔 惠 福 道 地 皮 以 57.1 億 元 成 交 ， 較 勾 地 底 價 25 億 元 高 出 1.28 倍 ， 成 交 樓 面 呎 價 8285 元 至 10356 元 之 間 ， 簡 直 瘋 狂 。 香 港 仔 地 皮 以 高 價 成 交 ， 對 附 近 有 新 盤 開 賣 發 展 商 最 有 利 ， 翻 查 紀 錄 ， 現 時 只 有 泛 海 國 際 （ 129 ） 在 香 港 仔 有 新 盤 ， 預 計 年 底 開 售 。 該 盤 位 於 集 團 另 一 項 目 海 峰 華 軒 毗 鄰 ， 涉 及 16 萬 平 方 呎 樓 面 面 積 ， 已 經 差 不 多 完 工 ， 月 前 泛 海 稱 若 全 部 售 出 可 以 套 現 8 億 元 ， 賣 地 後 或 會 更 高 。 另 外 集 團 於 荃 灣 有 另 一 臨 海 豪 宅 項 目 ， 由 高 富 諾 （ Grosvenor ） 及 泛 海 各 佔 50% 的 油 柑 頭 段 項 目 ， 提 供 全 海 景 複 式 戶 。 發 展 商 已 公 佈 項 目 意 向 呎 價 為 1.5 萬 元 ， 以 每 伙 逾 3000 平 方 呎 計 算 ， 入 場 費 高 達 4500 萬 元 。 泛 海 應 佔 部 份 料 可 套 現 超 過 10 億 元 。
股 價 長 期 跑 輸 同 類 股

泛 海 現 價 市 值 只 不 過 20.8 億 元 ， 以 上 售 樓 收 益 ， 連 同 今 年 可 以 入 賬 的 鯉 灣 天 下 ， 已 經 高 過 市 值 。 數 是 這 樣 計 ， 惟 泛 海 股 價 長 期 升 唔 起 ， 不 但 跑 輸 其 他 地 產 股 ， 也 嚴 重 跑 輸 大 市 ， 同 盈 大 地 產 （ 432 ） 條 數 一 樣 ， 照 計 係 平 到 你 唔 信 。 股 價 升 唔 起 ， 真 係 唔 知 點 解 釋 ， 係 被 歸 類 為 二 三 線 股 而 無 資 金 炒 到 ， 定 係 大 股 東 根 本 唔 想 隻 股 票 升 ？ 照 計 泛 海 下 跌 空 間 已 十 分 有 限 ， 唔 怕 悶 都 可 以 儲 定 貨 。
海 油 化 學 有 回 歸 概 念
中 石 油 （ 857 ） 咁 大 市 值 股 票 都 可 以 單 日 升 13% ， 累 計 3 個 交 易 日 升 28% ， 真 係 大 股 當 股 仔 炒 時 代 。 油 價 高 企 ， 相 信 只 係 中 石 油 炒 上 表 面 理 由 ， 真 正 原 因 肯 定 係 同 發 A 股 有 關 ， 未 有 A 股 前 ， 點 諗 到 神 華 （ 1088 ） A 股 個 價 竟 可 升 至 90 元 樓 上 ？ 有 發 A 股 回 歸 國 內 概 念 股 票 仲 有 中 海 集 運 （ 2866 ） ， 噚 日 股 價 急 升 17% ， 咁 大 型 股 票 ， 如 此 升 幅 真 係 好 激 。 吼 其 他 有 發 A 股 概 念 而 落 後 ， 仲 有 隻 海 油 化 學 （ 3983 ） ， 噚 日 破 旗 兼 破 頂 首 次 收 於 6 元 樓 上 ， 純 賣 A 股 概 念 都 有 排 升 。