星期三, 10月 17, 2007

股 場 放 大 鏡 ︰ 騰 訊 有 影 子 股 概 念




內 地 電 解 鎳 生 產 商 新 疆 新 鑫 礦 業 ( 3833 ) 首 日 掛 牌 收 報 14.24 元 , 較 招 股 價 6.50 元 高 出 1.19 倍 , 每 手 1000 股 賬 面 即 賺 7670 元 , 比 7 月 初 上 市 的 中 國 高 速 傳 動 ( 658 ) 還 要 賺 得 多 。 不 過 並 非 所 有 新 股 都 賺 錢 , 羽 絨 服 設 計 及 銷 售 商 波 司 登 ( 3998 ) 首 日 掛 牌 收 市 報 3.31 元 , 只 較 招 股 價 高 1% , 昨 收 報 3.28 元 , 險 守 招 股 價 。

阿 里 巴 巴 招 股 PE 超 高
黎 緊 輪 到 內 地 商 貿 網 站 阿 里 巴 巴 ( 1688 ) 下 周 招 股 , 招 股 價 10 至 12 元 , 籌 集 最 多 103 億 元 , 預 期 07 年 全 年 純 利 不 少 於 6.22 億 元 人 民 幣 , 以 上 限 價 計 預 測 PE 94.9 倍 。 呢 個 PE 肯 定 係 高 到 飛 起 , 但 係 一 般 大 型 新 股 好 少 以 不 合 理 天 價 招 股 , 以 免 招 股 唔 成 功 , 所 以 純 睇 PE 可 以 會 有 偏 差 , 詳 情 要 睇 埋 招 股 書 至 知 。
本 港 上 市 的 科 網 股 幾 年 前 曾 經 有 好 多 隻 , 有 一 定 規 模 而 能 夠 靠 互 聯 網 業 務 賺 大 錢 的 , 現 僅 得 一 隻 騰 訊 控 股 ( 700 ) 。 若 阿 里 巴 巴 掀 認 購 熱 , 騰 訊 有 機 會 被 視 作 影 子 股 短 炒 。 騰 訊 主 打 互 聯 網 增 值 服 務 、 流 動 電 話 增 值 服 務 及 網 絡 廣 告 , 受 惠 於 網 絡 廣 告 收 入 大 幅 增 長 , 上 半 年 賺 6.2 億 元 人 民 幣 , 增 長 20% , 07 年 預 測 PE 69 倍 , 較 阿 里 巴 巴 稍 為 吸 引 , 但 只 宜 短 炒 。

長 城 汽 車 ( 2333 ) 昨 午 復 牌 , 宣 佈 擬 發 行 A 股 集 資 , 以 及 收 購 若 干 物 流 及 運 輸 公 司 , 消 息 刺 激 股 價 一 度 急 升 35% , 收 市 升 22% 。

長 汽 擬 發 A 股 即 勁 升
長 汽 係 最 早 獲 大 摩 唱 好 股 份 , 但 最 近 卻 未 見 大 摩 有 新 報 告 , 反 而 上 周 被 花 旗 唱 淡 , 指 長 汽 雖 有 良 好 往 績 , 但 估 計 該 公 司 來 季 將 有 前 所 未 見 的 逆 轉 , 將 其 07 及 08 年 度 的 盈 利 預 測 分 別 調 低 6% 及 12% , 目 標 價 由 15.60 元 降 至 12.10 元 , 相 當 於 08 年 度 PE 為 13 倍 , 投 資 評 級 由 買 入 降 至 沽 售 。 花 旗 分 析 員 近 期 頗 多 「 佳 作 」 , 例 如 叫 沽 中 海 集 運 ( 2866 ) 睇 2.60 元 , 呢 間 大 行 分 析 員 都 幾 超 乎 現 實 , 可 能 唔 知 乜 叫 做 A 股 同 注 資 。

沒有留言: