股 場 放 大 鏡 ： 基 金 收 齊 貨 集 優 爆 上

噚 日 股 仔 炒 到 飛 起 ， 因 市 場 真 係 太 多 資 金 ， 不 過 20 大 升 幅 榜 股 當 中 ， 成 交 額 最 大 唔 係 乜 三 四 線 股 ， 而 係 H 股 上 海 集 優 （ 2345 ） ， 股 價 單 日 勁 升 24% ， 成 交 額 4.7 億 銀 ， 大 過 好 多 傳 統 藍 籌 。

有 炒 開 呢 隻 股 票 都 知 道 ， 上 海 集 優 一 向 表 現 唔 多 跟 大 市 ， 噚 日 急 升 前 ， 基 本 上 今 年 冇 乜 升 幅 。 上 海 集 優 係 即 將 回 歸 國 內 上 海 電 氣 （ 2727 ） 的 姊 妹 公 司 ， 主 要 產 銷 葉 片 、 軸 承 、 刀 具 與 電 動 機 ， 特 別 是 所 產 葉 片 ， 主 供 電 站 氣 輪 機 之 用 ， 照 計 電 力 設 備 股 年 內 隻 隻 升 幅 驚 人 ， 冇 理 由 升 極 唔 起 ， 軸 承 業 務 亦 都 受 惠 鐵 路 建 設 需 求 大 增 。

近 年 中 央 要 求 國 企 先 A 後 H ， 令 國 企 H 股 供 應 大 減 ， 今 年 更 得 三 幾 隻 H 股 來 港 掛 牌 ， 令 H 股 變 成 外 資 眼 中 奇 珍 。 集 優 呢 隻 去 年 4 月 上 市 H 股 ， 當 然 係 外 資 基 金 Shopping List ， 過 去 1 年 不 時 見 外 資 增 持 ， 而 到 10 月 份 ， 外 資 買 得 更 積 極 ， 例 如 新 加 坡 政 府 投 資 公 司 本 月 11 、 18 同 22 日 共 增 持 939.2 萬 股 。

見 調 整 一 定 要 買
傳 統 基 金 鄧 普 頓 動 態 更 積 極 ， 自 8 月 22 日 申 報 持 有 5% 之 後 已 8 度 大 手 增 持 ， 至 本 月 15 日 持 逾 12% 。 睇 開 集 優 呢 隻 股 都 知 佢 成 交 少 而 貨 疏 ， 有 時 全 日 成 交 低 至 兩 三 球 貨 ， 真 係 唔 明 點 可 以 住 買 到 咁 多 貨 。 計 計 數 持 逾 5% 外 資 共 持 集 優 50.37% ， 幾 乎 控 制 大 局 ， 噚 日 爆 上 有 111 球 貨 易 手 ， 可 謂 從 未 見 過 ， 似 係 基 金 收 齊 貨 爆 上 一 刻 ， 呢 類 基 金 股 ， 隨 時 升 到 你 唔 信 ， 見 回 一 定 要 買 。

股 仔 熱 炒 揀 國 中
股 仔 升 到 眼 花 ， 要 揀 股 仔 炒 ， 應 先 揀 往 績 炒 得 夠 持 續 股 炒 ， 否 則 得 一 兩 日 貨 仔 會 較 難 炒 。 國 中 控 股 （ 202 ） 今 年 上 半 年 炒 上 因 轉 型 環 保 水 務 ， 近 幾 個 月 股 價 橫 行 ， 公 司 8 月 宣 佈 ， 擬 向 上 海 A 股 黑 龍 注 入 約 值 3.26 億 元 的 水 務 權 益 ， 變 相 借 殼 及 分 拆 上 市 ， 本 月 又 斥 資 1.67 億 元 收 購 北 京 零 售 物 業 ， 論 消 息 隨 時 會 有 ， 噚 日 第 1 棍 爆 上 應 仲 有 水 位 。