股 場 放 大 鏡 ： 招 金 礦 業 基 金 重 貨

指 急 升 過 千 點 ， 與 其 說 是 四 叔 百 億 資 金 入 市 推 高 ， 倒 不 如 說 是 感 恩 節 完 ， 聖 誕 前 美 股 例 牌 升 市 所 帶 動 ， 中 國 股 市 噚 日 表 現 偏 弱 ， 應 視 為 好 事 ， 起 碼 宏 調 壓 力 又 少 。 港 股 忽 然 轉 強 ， 後 市 發 展 如 何 ？ 由 於 今 次 大 調 整 唔 多 見 基 金 大 規 模 的 減 持 行 動 ， 故 此 相 信 重 港 股 基 金 年 結 前 有 好 大 誘 因 推 高 番 股 價 ， 尤 其 係 一 近 期 調 整 幅 度 甚 大 中 資 股 。 日 前 中 資 股 以 資 源 股 表 現 較 強 ， 而 除 石 油 及 煤 炭 股 之 外 ， 金 礦 股 仍 然 值 得 看 高 一 線 。 昨 日 紫 金 （ 2899 ） 股 價 急 升 13% ， 相 對 之 下 ， 招 金 礦 業 （ 1818 ） 升 10% ， 仍 有 追 落 後 空 間 。 中 央 最 近 限 制 外 商 投 資 國 內 礦 業 ， 其 實 等 於 變 相 增 加 國 有 礦 商 的 投 資 機 會 ， 另 一 方 面 ， 中 央 亦 鼓 勵 礦 商 走 出 去 ， 如 紫 金 最 近 已 聯 同 其 他 企 業 ， 收 購 秘 魯 的 銅 礦 商 Monterrico 。
收 購 金 礦 屆 最 後 階 段

招 金 礦 業 亦 有 計 劃 走 出 去 ， 據 外 電 引 述 集 團 管 理 層 稱 ， 該 公 司 計 劃 投 資 加 拿 大 或 澳 洲 的 金 礦 ， 有 關 兩 個 投 資 金 礦 項 目 或 入 股 金 礦 企 業 的 談 判 正 在 進 行 中 。 股 權 資 料 顯 示 ， 招 金 近 期 獲 Mirae 資 產 管 理 積 極 增 持 ， 而 H 股 持 股 最 多 係 Atlantis ， 16.21% ， 已 申 報 持 逾 5% 的 基 金 已 持 逾 55% 的 H 股 ， 係 不 折 不 扣 基 金 股 ， 博 粉 飾 窗 櫥 招 金 無 得 走 雞 。

東 亞 銀 行 現 位 買 得 過
中 銀 香 港 （ 2388 ） 突 宣 佈 調 高 按 息 ， 150 萬 元 以 下 樓 按 貸 款 利 率 調 高 0.15% ， 背 後 反 映 係 ， 中 銀 唔 怕 市 場 競 爭 ， 由 於 預 期 樓 按 需 求 大 ， 加 按 息 都 唔 怕 無 生 意 ， 相 信 其 他 大 銀 行 加 按 息 係 遲 早 事 。 中 銀 香 港 剛 宣 佈 以 較 市 場 溢 價 10% 價 錢 ， 收 購 東 亞 銀 行 （ 023 ） 4.94% 股 權 ， 涉 資 多 達 40 億 元 ， 市 場 評 論 多 認 為 中 銀 只 是 尋 求 穩 定 收 益 而 風 險 低 的 投 資 ， 而 非 有 購 併 計 劃 ， 但 係 既 然 中 銀 覺 得 東 亞 係 穩 陣 投 資 ， 兼 以 51 元 高 價 買 貨 ， 應 該 唔 會 差 得 去 邊 ， 現 位 買 得 過 。