股 場 放 大 鏡 ： 樂 聲 電 子 本 業 好 難 做

豪 宅 炒 風 升 溫 ， 南 區 洋 房 再 創 該 區 豪 宅 呎 價 新 高 ， 樓 齡 達 15 年 的 香 島 道 46 號 Double Bay 第 6 座 洋 房 ， 剛 出 現 呎 價 達 3.83 萬 元 之 「 天 價 」 成 交 。 接 貨 者 為 專 門 投 資 物 業 的 樂 聲 電 子 （ 213 ） ， 斥 資 1.6 億 元 ， 購 入 此 洋 房 作 為 收 租 用 途 。 樂 聲 電 子 近 月 頻 頻 見 報 於 物 業 買 賣 新 聞 ， 10 月 份 就 分 別 出 售 萬 國 寶 通 中 心 及 金 鐘 力 寶 中 心 兩 個 寫 字 樓 物 業 ， 分 別 獲 利 離 場 。 其 中 力 寶 中 心 正 是 賣 畀 資 深 投 資 者 黎 汝 遠 ， 而 黎 氏 以 3718 萬 元 買 入 ， 持 貨 一 個 星 期 ， 以 3966 萬 元 「 摸 出 」 ， 賬 面 獲 利 248 萬 元 ， 真 係 好 似 當 股 票 咁 炒 。 樂 聲 電 子 本 身 係 一 隻 工 業 股 ， 生 產 手 錶 及 手 錶 配 件 ， 受 原 材 料 成 本 上 升 ， 及 人 民 幣 升 值 影 響 ， 已 轉 向 發 展 非 手 錶 消 費 電 子 產 品 ， 不 過 看 來 起 色 不 大 ， 上 年 度 要 為 滯 銷 存 貨 作 出 撥 備 ， 相 信 已 經 有 意 轉 為 小 型 地 產 商 。
有 意 轉 做 小 型 地 產 商

集 團 已 經 明 顯 積 極 投 入 物 業 投 資 及 發 展 ， 今 年 9 月 間 以 2.76 億 元 收 購 上 環 及 灣 仔 物 業 ， 以 壯 大 其 投 資 物 業 組 合 ， 發 展 及 待 售 的 另 有 多 幢 時 尚 酒 店 項 目 ， 包 括 皇 后 大 道 中 The Putman ， 銅 鑼 灣 威 菲 路 道 重 建 新 時 尚 酒 店 ， 以 至 文 咸 東 街 及 永 樂 街 地 盤 ， 及 干 德 道 中 地 盤 重 建 等 。 樂 聲 電 子 上 年 度 NAV 約 0.49 元 ， 最 新 NAV 應 已 升 至 現 價 0.6 元 附 近 ， 惟 缺 點 是 成 交 疏 落 。
創 業 板 都 轉 行 炒 地 產
早 排 至 講 過 ， 連 搞 礦 都 做 到 水 尾 ， 轉 型 概 念 諗 到 無 好 諗 ， 上 市 公 司 隨 時 轉 玩 香 港 地 產 ， 樂 聲 都 話 一 向 都 有 投 資 物 業 ， 相 比 起 近 期 一 創 業 板 股 ， 就 變 得 有 點 奇 怪 。 變 靚 D 控 股 （ 8079 ） （ 合 併 股 份 編 號 8395 ） 日 前 公 佈 出 售 及 購 入 若 干 港 島 及 尖 東 的 辦 公 室 物 業 ， 但 復 牌 股 價 要 跌 4.9% ， 似 乎 轉 型 不 太 受 投 資 者 歡 迎 ， 另 外 光 彩 未 來 （ 8071 ） 剛 於 上 月 購 入 力 寶 中 心 一 物 業 自 用 ， 昨 停 牌 未 知 又 有 乜 搞 作 。 兩 間 公 司 共 通 點 係 做 美 容 生 意 ， 莫 非 呢 行 真 係 咁 難 做 ？