又 一 隻 新 股 破 底 ， 噚 日 掛 牌 中 國 重 汽 （ 3808 ） 甫 開 市 已 跌 穿 招 股 價 12.88 元 ， 並 以 近 全 日 低 位 10.86 元 報 收 ， 較 招 股 價 跌 15% ， 比 首 日 掛 牌 穿 底 ， 上 星 期 上 市 中 外 運 航 運 （ 368 ） 首 日 跌 13% ， 更 加 肉 酸 。
阿 里 巴 巴 （ 1688 ） 首 日 掛 牌 每 手 賺 過 萬 蚊 新 股 神 話 ， 是 否 已 經 破 滅 ？ 睇 落 緊 新 股 ， 除 中 鐵 （ 390 ） 之 外 ， 都 唔 係 咁 樂 觀 。 由 於 連 續 兩 隻 新 股 破 底 ， 新 股 熱 潮 急 速 降 溫 ， 現 正 進 行 招 股 東 岳 集 團 （ 189 ） 首 當 其 衝 ， 據 報 載 散 戶 抽 飛 情 況 嚴 重 ， 其 中 由 新 鴻 基 金 融 所 借 出 的 孖 展 額 度 ， 更 由 2.9 億 元 急 降 至 只 有 3000 萬 元 。
中 鐵 情 況 比 較 特 殊 ， 由 於 今 次 銀 行 唔 放 水 ， 本 來 孖 展 額 度 已 經 唔 夠 分 ， 所 以 呢 隻 大 熱 新 股 受 影 響 唔 大 。 比 較 麻 煩 係 分 拆 自 高 寶 綠 色 （ 274 ） 真 優 美 （ 3332 ） ， 由 於 本 周 五 招 股 前 突 遭 人 電 郵 及 短 訊 抹 黑 ， 質 疑 公 司 國 內 銷 售 情 況 等 ， 雖 然 高 寶 立 即 澄 清 ， 惟 股 價 都 要 捱 沽 ， 勁 跌 26% 。
東 岳 散 戶 抽 飛 嚴 重
以 目 前 市 場 氣 氛 情 況 來 看 ， 緊 將 會 招 股 陽 光 紙 業 （ 2002 ） 、 安 東 油 田 （ 3337 ） 及 廈 順 控 股 （ 1812 ） 等 ， 招 股 反 應 及 首 日 掛 牌 表 現 ， 相 信 幾 難 睇 好 。 陽 光 係 今 年 上 市 第 2 隻 紙 業 新 股 ， 第 一 隻 係 群 星 紙 業 （ 3868 ） ， 首 日 掛 牌 曾 升 至 10 元 以 上 ， 比 招 股 價 5.35 元 升 近 倍 ， 不 過 首 日 升 過 龍 ， 其 後 股 價 拾 級 而 下 ， 昨 已 跌 穿 4 元 ， 睇 幾 難 浮 返 上 水 面 。
沒有留言:
發佈留言