股 場 放 大 鏡 ： 泛 海 股 東 嫌 悶 沽 貨 ？

中 小 型 地 產 發 展 商 泛 海 國 際 （ 129 ） ， 日 前 向 港 交 所 （ 388 ） 披 露 ， 其 策 略 性 股 東 兼 合 作 夥 伴 Grosvenor Asset Management 於 本 周 二 在 市 場 沽 售 1.49 億 股 ， 每 股 平 均 價 0.275 元 ， 合 共 套 現 4098 萬 元 。
股 價 幾 年 來 跑 輸 大 市

Grosvenor 與 泛 海 已 有 多 年 合 作 關 係 ， 其 中 包 括 合 作 發 展 淺 水 灣 Grosvenor's Place 賺 大 錢 ， 目 前 仍 合 作 項 目 ， 包 括 荃 灣 油 柑 頭 豪 宅 項 目 ， 已 屆 成 熟 階 段 及 預 備 開 售 ， 加 上 其 他 待 售 項 目 ， 泛 海 搞 幾 年 ， 正 到 步 入 收 割 時 期 ， 今 次 減 持 時 機 ， 因 此 可 說 頗 為 令 人 奇 怪 。

不 過 ， 睇 番 圖 表 泛 海 過 去 幾 年 股 價 的 確 係 嚴 重 跑 輸 大 市 ， 在 0.3 元 附 近 浮 沉 足 有 幾 年 ， 仿 似 同 大 市 或 地 產 市 道 毫 無 關 連 。 Grosvenor 於 9 月 7 日 申 報 持 有 8.7 億 股 或 12.13% 泛 海 ， 另 有 若 干 CB ， 未 知 係 咪 行 使 CB 後 見 投 資 回 報 唔 多 吸 引 ， 順 便 減 倉 。

Grosvenor 同 泛 海 合 作 項 目 賺 大 錢 ， 但 唔 代 表 佢 股 票 一 樣 可 以 賺 大 錢 。 論 價 值 ， 泛 海 個 價 同 其 他 地 產 股 比 抵 到 爛 ， 但 風 險 低 亦 唔 代 表 會 回 報 高 ， 幾 年 唔 郁 一 樣 死 。 自 月 前 南 韓 基 金 Mirae Asset Management 以 18.6 億 元 大 手 掃 入 盈 大 （ 432 ） 貝 沙 灣 6 期 第 6 座 全 幢 後 ， 港 島 區 兩 個 單 幢 新 盤 ， 包 括 太 古 （ 019 ） 及 中 華 汽 車 （ 026 ） 的 北 角 港 濤 軒 ， 以 及 九 建 （ 034 ） 西 半 山 羅 便 臣 道 31 號 ， 亦 先 後 於 短 時 間 內 售 出 一 半 以 上 單 位 。 資 料 顯 示 ， 全 港 島 區 的 一 手 貨 已 降 至 200 多 伙 ， 創 新 低 紀 錄 。

港 島 樓 缺 嘉 國 信 置 受 惠
港 島 新 盤 供 應 緊 張 ， 有 機 會 於 年 底 至 明 年 初 開 售 的 新 盤 ， 只 有 會 德 豐 地 產 （ 049 ） 的 西 半 山 巴 丙 頓 道 項 目 約 50 伙 、 及 泛 海 的 香 港 仔 項 目 約 180 伙 ， 盤 源 少 自 然 可 以 開 高 價 ， 由 於 港 島 地 皮 少 ， 令 人 又 諗 番 起 早 前 高 價 投 香 港 仔 地 皮 嘉 國 （ 173 ） 及 信 置 （ 083 ） ， 唔 係 亂 咁 投 地 ， 噚 日 地 產 股 因 美 國 「 無 突 然 減 息 」 而 大 跌 ， 不 妨 趁 跌 市 低 位 累 積 。