股 場 放 大 鏡 ： 可 可 漲 價 環 新 受 惠

上 星 期 睇 國 際 新 聞 ， 知 道 可 可 豆 主 要 生 產 國 科 特 瓦 因 旱 災 失 收 ， 而 第 2 大 生 產 國 加 納 情 況 更 差 ， 令 紐 約 及 倫 敦 可 可 豆 商 品 價 格 急 升 至 4 年 高 位 ， 上 周 五 收 報 每 噸 1920 美 元 ， 較 去 年 12 月 低 位 1456 美 元 ， 大 升 31% 。

西 非 係 可 可 主 要 生 產 國 集 中 地 ， 該 等 地 區 持 續 旱 ， 不 但 使 幼 嫩 的 可 可 樹 枯 死 ， 更 減 少 其 他 可 可 樹 產 量 ， 科 特 瓦 農 民 形 容 旱 情 是 有 生 以 來 最 嚴 重 的 。 除 了 供 應 緊 張 之 外 ， 可 可 需 求 亦 見 持 續 上 升 ， 由 於 可 可 豆 含 有 天 然 防 氧 化 劑 ， 稱 為 黃 烷 醇 ， 很 多 研 究 報 告 指 出 ， 黃 烷 醇 有 助 預 防 血 管 病 如 心 臟 病 、 中 風 、 糖 尿 病 、 癡 呆 症 和 高 血 壓 症 。

因 此 要 用 較 多 份 量 可 可 的 純 種 朱 古 力 ， 近 年 在 歐 美 更 受 市 場 歡 迎 ， 造 成 可 可 豆 市 場 供 不 應 求 ， 短 缺 估 計 達 10 萬 至 25 萬 噸 ， 朱 古 力 食 家 便 會 留 意 到 ， 朱 古 力 近 年 越 賣 越 貴 。

香 港 唯 一 有 做 可 可 豆 生 意 係 環 新 國 際 （ 502 ） ， 係 全 球 第 3 大 可 可 豆 生 產 國 印 尼 出 口 兼 貿 易 商 ， 由 於 旱 災 出 現 於 西 非 而 唔 係 東 南 亞 ， 印 尼 間 接 得 益 。 最 近 環 新 已 不 單 滿 足 於 只 係 供 應 可 可 豆 ， 正 全 力 進 軍 可 可 豆 加 工 業 務 ， 在 新 加 坡 投 資 建 廠 ， 有 利 毛 利 進 一 步 增 加 。 呢 隻 冷 門 股 仔 ， 要 實 。

金 匡 再 賣 物 業 套 現

由 細 細 劉 打 骰 金 匡 （ 286 ） 上 周 於 買 賣 中 途 突 然 停 牌 ， 上 周 五 晚 睇 到 通 告 ， 原 來 涉 及 向 第 三 方 出 售 物 業 ， 呢 項 物 業 係 位 於 葵 涌 中 僑 貨 倉 大 廈 ， 而 除 之 前 訂 立 買 賣 協 議 物 業 外 ， 上 述 物 業 為 該 公 司 擁 有 之 餘 下 物 業 ， 即 係 完 成 呢 項 交 易 後 賣 晒 。 大 劉 之 前 其 實 已 用 超 過 1 年 時 間 執 靚 金 匡 個 殼 ， 等 細 細 劉 大 展 拳 腳 ， 呢 次 賣 物 業 套 現 後 ， 正 式 進 入 搵 筍 買 最 後 階 段 ， 雖 然 通 告 話 未 物 色 好 收 購 對 象 ， 但 只 係 時 間 問 題 ， 今 日 復 牌 可 以 睇 位 短 炒 。

歐 陽 風