個 市 雖 然 繼 續 跌 ， 但 輪 到 三 四 線 股 發 威 ， 其 中 一 瓣 當 炒 細 價 股 ， 係 轉 型 搞 石 油 股 仔 ， 包 括 智 富 能 源 （ 1051 ） 升 19% ， 南 海 石 油 （ 076 ） 升 11% ， 日 中 最 高 升 到 去 0.38 元 ， 升 幅 達 到 26% ， 以 收 市 價 0.335 元 計 ， 4 日 合 計 升 近 5 成 ， 而 噚 日 成 交 量 達 到 864 球 ， 佔 公 司 已 發 行 股 數 1775 球 一 半 ， 成 交 量 非 常 之 大 。
有 跟 開 呢 間 公 司 投 資 者 都 知 道 ， 南 海 石 油 勁 鍾 意 發 行 CB 集 資 ， 以 一 間 市 值 5.9 億 銀 公 司 ， 就 有 成 超 過 2 億 銀 CB 未 行 使 （ 未 計 最 近 發 債 ） 。 最 近 兩 次 發 債 ， 分 別 係 向 Avant Capital 發 行 2010 年 到 期 、 合 共 4000 萬 元 的 零 息 可 換 股 債 券 ， 另 於 昨 日 宣 布 ， 向 CFI Financial 發 行 1 億 美 元 之 零 息 票 據 ， 前 者 以 通 知 前 5 日 平 均 價 105% 行 使 ， 後 者 以 98% 行 使 。
以 過 去 5 個 交 易 日 為 例 ， 5 日 平 均 價 係 0.2714 元 ， 如 果 行 使 後 股 價 仲 頂 得 住 0.3 元 ， 又 沽 得 出 的 話 ， 就 有 錢 賺 。 不 過 去 年 底 亦 曾 有 CB 持 有 人 以 0.25 元 ， 分 兩 次 換 約 1.41 億 股 ， 較 當 時 收 市 價 分 別 0.208 元 及 0.163 元 ， 呈 大 幅 溢 價 ， 惟 咁 明 顯 用 高 溢 價 換 股 通 告 出 ， 股 價 卻 無 反 應 ， 反 而 跌 至 0.15 元 ， 過 去 1 個 月 才 炒 上 。
咁 離 奇 換 股 發 債 行 動 ， 歐 陽 風 真 係 唔 知 佢 乜 葫 蘆 賣 乜 藥 ， 唔 明 最 好 就 唔 好 去 買 。
新 怡 環 球 唔 知 升 乜
新 怡 環 球 （ 1094 ） 係 另 一 隻 出 現 異 動 股 票 ， 股 價 單 日 急 升 28% 。 該 公 司 自 1 月 30 日 停 牌 ， 到 本 周 三 復 牌 ， 當 日 收 市 跌 兩 格 ， 到 噚 日 先 至 有 反 應 。 停 牌 原 因 ， 係 因 未 能 及 時 印 發 年 報 ， 違 反 上 市 規 則 ， 因 此 要 等 業 績 公 布 後 才 復 牌 ， 期 內 業 績 虧 損 由 約 5800 萬 元 減 少 至 約 3600 萬 元 。 轉 型 做 資 訊 科 技 後 ， 收 入 繼 續 縮 減 ， 炒 上 理 由 除 賣 盤 之 外 諗 唔 到 有 其 他 。
歐 陽 風
沒有留言:
發佈留言