香 港 體 檢 （ 397 ） 早 排 股 價 走 勢 好 搶 鏡 ， 試 過 單 日 急 升 30% ， 反 而 母 公 司 康 健 國 際 （ 8138 ） 升 幅 跟 唔 上 ， 到 噚 日 康 健 終 於 追 上 ， 升 幅 跑 贏 香 港 體 檢 。 兩 間 公 司 呢 輪 動 作 多 多 ， 先 係 今 年 1 月 拉 隊 去 日 本 做 路 演 ， 其 後 與 華 夏 醫 療 （ 8143 ） 合 作 在 內 地 發 展 醫 療 及 保 健 相 關 業 務 ， 合 作 轉 介 內 地 客 戶 到 香 港 進 行 體 檢 ， 同 時 落 實 在 深 圳 設 立 門 診 部 。
此 外 ， 又 開 拓 與 時 尚 休 閒 生 活 相 關 之 保 健 服 務 和 產 品 ， 包 括 與 美 國 顯 赫 植 髮 中 心 合 資 經 營 植 髮 中 心 ， 以 及 與 變 靚 D 控 股 （ 8079 ） 合 作 設 立 「 變 ． 靚 ． D 美 容 醫 療 中 心 」 ， 提 供 一 站 式 美 容 服 務 ， 搶 佔 埋 美 容 呢 個 市 場 。
而 呢 一 波 宣 傳 攻 勢 ， 主 要 係 請 電 視 台 當 家 花 旦 「 阿 佘 」 任 代 言 人 。 香 港 體 檢 旗 下 診 斷 中 心 去 年 11 月 才 開 幕 ， 首 月 已 錄 得 逾 150 萬 元 的 營 業 額 ， 如 此 成 績 ， 加 上 近 期 動 作 多 多 ， 好 明 顯 係 想 份 業 績 好 好 睇 睇 。
康 健 去 年 度 首 9 個 月 純 利 近 6800 萬 元 ， 較 上 年 同 期 大 增 2.4 倍 ， 預 測 全 年 賺 逾 1 億 元 ， 市 盈 率 約 21 倍 ， 仍 低 於 外 國 醫 療 機 構 平 均 的 30 倍 ， 事 實 上 ， 康 健 年 前 出 售 Mindray ， 噚 日 瑞 銀 都 有 出 報 告 分 析 ， 其 現 年 PE 已 高 達 53 倍 。 早 排 西 京 投 資 申 報 首 次 持 有 康 健 逾 5% ， 短 線 炒 得 過 。
天 譽 發 票 據 大 行 要 晒
天 譽 置 業 （ 059 ） 本 月 初 停 牌 ， 噚 日 復 牌 ， 宣 布 發 行 2013 年 到 期 的 2 億 美 元 可 換 股 票 據 ， 配 售 代 理 為 美 林 遠 東 ， 初 步 換 股 價 1.35 元 ， 較 集 團 停 牌 前 收 市 價 1.26 元 有 溢 價 7.1% 。 集 資 所 得 主 要 係 應 付 早 前 向 蜆 電 器 （ 081 ） 及 保 利 香 港 （ 119 ） 購 入 廣 州 威 斯 汀 項 目 權 益 ， 同 時 用 以 支 持 洲 頭 咀 項 目 。
值 得 一 提 係 今 次 發 CB ， 認 購 人 全 部 都 係 星 級 大 行 及 基 金 ， 包 括 有 PMA 資 本 管 理 、 雷 曼 兄 弟 、 DKR Oasis 基 金 及 配 售 代 理 美 林 等 ， 明 星 效 應 刺 激 天 譽 噚 日 股 價 升 15% ， 1.40 元 樓 下 可 以 低 吸 。
歐陽風
沒有留言:
發佈留言