星期日, 3月 11, 2007

股 場 放 大 鏡 : 金 榜 前 景 不 明 朗


證 券 行 股 金 榜 集 團 ( 172 ) 上 月 停 牌 , 噚 日 復 牌 即 大 升 59% , 因 宣 布 出 售 旺 角 金 都 商 場 地 庫 至 3 樓 若 干 商 舖 單 位 及 外 牆 廣 告 位 , 總 代 價 5.3 億 元 , 錄 得 3000 萬 元 賬 面 收 益 。 金 榜 市 值 只 係 5.1 億 銀 , 出 售 套 現 所 得 , 仲 大 過 公 司 市 值 , 或 因 此 令 股 價 單 日 勁 升 。


有 關 物 業 去 年 9 月 管 理 層 至 話 無 意 出 售 , 未 夠 半 年 又 改 變 主 意 。 要 結 婚 人 都 知 道 , 金 都 係 結 婚 相 關 舖 頭 集 中 地 , 人 流 極 旺 , 舖 租 唔 會 平 。 金 都 物 業 截 至 去 年 3 月 底 止 年 度 已 扣 除 稅 項 及 特 殊 項 目 後 純 利 為 3888 萬 元 , 即 係 大 約 以 13.6 倍 PE 出 售 。 基 於 金 都 唔 係 普 通 商 場 , 出 售 事 項 對 金 榜 並 非 太 過 數 。


失 去 主 要 收 入 來 源


據 通 告 表 示 , 將 出 售 所 得 其 中 1.544 億 元 償 還 按 揭 貸 款 , 1200 萬 元 償 還 銀 行 信 貸 , 及 用 最 多 1 億 元 作 發 展 及 擴 大 金 融 服 務 業 務 , 餘 下 作 一 般 營 運 資 金 , 其 實 等 於 無 迫 切 資 金 需 要 。 其 實 金 榜 月 前 才 宣 布 , 計 劃 收 購 湖 北 省 天 然 磷 礦 探 礦 權 , 但 由 於 賣 方 需 要 更 多 時 間 進 行 鑽 探 , 經 考 慮 所 需 的 額 外 時 間 後 , 金 榜 決 定 終 止 收 購 協 議 。


睇 番 金 榜 近 幾 年 業 績 , 純 利 都 係 維 持 2700 萬 銀 左 右 , 扣 除 金 都 商 場 租 金 貢 獻 , 即 係 其 他 業 務 表 現 乏 善 足 陳 , 出 售 金 都 後 , 除 靠 金 融 業 務 外 , 就 係 靠 國 內 南 京 廣 場 地 產 項 目 、 武 漢 開 展 的 典 當 業 務 , 以 及 國 內 貸 款 擔 保 。 國 內 做 典 當 生 意 , 唔 見 得 會 好 發 達 , 由 於 公 司 主 要 收 入 來 源 冇 , 未 來 業 務 收 入 又 未 有 保 證 , 單 係 炒 賣 金 都 套 現 , 未 必 支 持 股 價 升 勢 好 耐 , 而 證 券 行 股 , 一 般 都 係 轉 型 收 場 , 且 看 金 榜 大 套 現 後 仲 有 乜 搞 作 ?
歐陽風

沒有留言: