美 股 及 亞 太 股 市 俱 升 ， 噚 日 大 市 同 埋 股 仔 氣 氛 本 來 都 相 當 唔 錯 ， 豈 料 下 午 3 點 幾 股 仔 表 現 走 晒 樣 ， 原 來 分 別 有 亞 太 資 源 （ 1104 ） 同 埋 民 豐 控 股 （ 279 ） 停 牌 ， 前 者 中 午 停 牌 涉 須 予 披 露 交 易 ， 影 響 唔 算 好 大 ， 但 係 民 豐 下 午 3:16 停 牌 ， 涉 股 價 敏 感 消 息 ， 就 被 傳 因 炒 得 過 火 而 被 要 求 停 牌 解 釋 。
民 豐 改 名 前 叫 內 蒙 發 展 ， 主 要 股 東 有 合 一 投 資 （ 913 ） 及 萊 福 資 本 （ 901 ） ， 另 又 持 有 漢 基 （ 412 ） ， 呢 系 公 司 問 題 多 到 數 唔 晒 ， 因 此 成 為 針 對 目 標 都 唔 出 奇 。 不 過 受 到 拖 累 急 跌 股 票 ， 相 信 影 響 只 會 係 短 暫 ， 之 不 過 系 內 相 關 股 票 ， 就 無 論 任 何 時 候 都 唔 好 沾 手 。
其 中 一 隻 受 影 響 之 股 仔 係 位 元 堂 （ 897 ） ， 下 午 都 仲 係 威 係 勢 衝 上 0.43 元 ， 其 後 受 大 圍 股 仔 氣 氛 拖 低 收 0.38 元 。 早 前 提 到 同 系 宏 安 （ 1222 ） 想 做 中 國 街 市 之 王 ， 股 價 連 日 急 升 唔 使 氣 ， 照 計 位 元 堂 唔 會 咁 短 癮 ， 而 且 公 司 股 價 自 去 年 12 月 中 以 來 整 固 收 集 足 3 個 月 ， 破 降 軌 後 應 有 動 作 跟 尾 。
位 元 堂 在 珠 三 角 已 有 23 間 零 售 店 ， 計 劃 擴 展 至 長 三 角 及 環 渤 海 地 區 ， 目 標 地 區 開 店 數 目 增 至 100 間 ， 系 內 公 司 既 然 有 能 力 短 時 間 建 立 全 國 農 副 產 品 銷 售 網 絡 ， 照 計 建 立 國 內 保 健 產 品 分 銷 網 絡 都 唔 成 問 題 。 較 早 前 集 團 出 售 九 龍 灣 物 業 料 獲 利 逾 億 元 ， 加 上 一 項 終 止 收 購 套 回 現 金 ， 有 足 夠 資 金 擴 充 零 售 網 絡 ， 只 要 股 仔 氣 氛 唔 係 太 差 ， 炒 上 機 會 仲 係 好 大 。
北 京 時 裝 賣 股 惹 憧 憬
北 京 時 裝 （ 761 ） 前 日 股 價 急 升 ， 日 前 披 露 大 股 東 出 售 8800 萬 股 或 28% 權 益 予 1 名 獨 立 第 三 者 ， 呢 隻 做 皮 革 業 務 冷 門 股 ， 中 期 溢 利 有 739 萬 元 ， 現 價 往 績 PE 係 14 倍 ， 股 息 率 有 8 厘 ， 表 面 上 有 可 能 引 入 被 動 之 投 資 者 持 貨 ， 但 由 於 大 股 東 賣 股 後 變 成 第 2 大 股 東 ， 大 股 東 地 位 出 讓 同 時 留 低 25% 股 權 ， 新 大 股 東 係 乜 水 的 確 引 人 憧 憬 。
歐陽風
沒有留言:
發佈留言