呢 輪 係 上 市 公 司 業 績 公 布 期 ， 以 前 港 交 所 （ 388 ） 會 先 出 一 個 業 績 摘 要 ， 之 後 至 出 份 詳 細 業 績 報 告 ， 但 係 唔 知 乜 原 因 ， 家 再 無 簡 單 版 本 業 績 通 告 ， 只 出 一 份 詳 細 業 績 。 雖 然 份 詳 細 業 績 有 齊 晒 資 料 ， 但 係 由 於 每 間 公 司 業 績 報 表 都 唔 同 ， 連 一 般 散 戶 最 關 心 派 息 數 字 ， 都 要 搵 好 耐 。
好 似 噚 日 公 布 業 績 中 國 林 大 （ 910 ） ， 雖 然 業 績 增 長 好 多 倍 ， 但 係 從 首 頁 綜 合 收 益 表 ， 睇 唔 到 會 唔 會 派 息 ， 要 揭 去 第 8 頁 管 理 層 討 論 及 分 析 ， 至 睇 得 到 不 派 發 股 息 。
滬 光 業 績 通 告 令 人 混 淆
公 司 股 息 資 料 除 難 搵 之 外 ， 有 時 仲 會 出 現 混 亂 ， 例 如 投 資 控 股 公 司 滬 光 國 際 （ 770 ） ， 睇 股 息 欄 ， 睇 到 末 期 股 息 係 無 ， 相 對 05 年 末 期 股 息 有 每 股 0.3 美 元 ， 但 係 之 下 又 有 一 行 寫 住 ， 自 股 份 溢 價 賬 目 中 支 付 之 特 別 末 期 股 息 每 股 1.2 美 元 ， 仲 以 為 派 咁 高 息 ， 點 知 再 睇 下 一 段 先 知 董 事 會 建 議 派 發 特 別 末 期 股 息 每 股 0.5 美 元 。 滬 光 昨 收 報 2.55 美 元 ， 派 1.2 美 元 即 係 幾 近 股 價 一 半 ， 有 無 咁 多 現 金 都 成 問 題 ， 要 分 辨 邊 個 數 至 係 真 ， 要 好 似 偵 探 咁 慢 慢 諗 。
據 講 港 交 所 之 所 以 放 棄 一 貫 方 便 投 資 者 簡 單 報 表 ， 係 因 為 自 從 新 會 計 制 度 實 施 後 ， 有 人 投 訴 簡 單 業 績 摘 要 睇 唔 出 受 新 會 計 制 度 影 響 ， 會 搞 到 短 線 股 價 受 到 扭 曲 咁 話 。 假 如 呢 個 傳 聞 屬 實 ， 港 交 所 似 乎 係 杞 人 憂 天 得 滯 ， 因 為 公 司 業 績 大 部 份 已 經 係 收 市 後 至 公 布 ， 對 即 市 影 響 已 經 唔 存 在 ， 而 且 新 會 計 準 則 涉 及 好 多 方 面 入 賬 方 法 ， 投 資 者 如 果 唔 明 ， 簡 單 業 績 摘 要 同 詳 細 業 績 報 告 都 唔 會 有 好 大 分 別 。 棄 簡 從 繁 ， 分 分 鐘 仲 因 小 失 大 。
歐陽風
沒有留言:
發佈留言