金 匡 企 業 （ 286 ） 上 周 五 股 價 再 升 20% ， 細 細 劉 威 力 果 然 唔 簡 單 。 家 族 系 內 公 司 中 ， 仲 有 一 隻 股 份 上 周 五 出 現 異 動 ， 就 係 至 祥 置 業 （ 112 ） ， 早 兩 個 星 期 停 牌 後 ， 上 星 期 五 復 牌 ， 最 多 升 約 20% ， 收 市 升 15% ， 報 2.34 元 ， 唔 通 系 內 股 票 逐 隻 炒 ？ 根 據 復 牌 通 告 ， 至 祥 正 洽 購 若 干 位 於 本 港 之 物 業 權 益 ， 一 旦 交 易 落 實 ， 將 構 成 主 要 交 易 。 至 祥 上 周 五 成 交 263 萬 股 ， 表 面 睇 唔 係 咁 大 ， 但 係 已 經 係 過 去 兩 年 多 以 來 最 大 單 日 成 交 。
至 祥 一 向 成 交 疏 落 ， 但 係 不 動 則 已 ， 一 郁 就 非 常 之 勁 ， 05 年 頭 試 過 由 1 蚊 水 平 勁 升 ， 只 不 過 個 多 月 時 間 就 升 到 上 升 5.85 元 高 位 ， 升 勢 之 急 勁 ， 比 得 上 今 時 今 日 金 匡 。 至 祥 本 身 從 事 物 業 投 資 ， 主 要 物 業 包 括 全 資 持 有 紅 磡 駿 昇 中 心 ， 去 年 第 3 季 完 成 擴 建 後 ， 有 關 收 入 今 年 應 可 大 幅 增 加 ， 另 持 有 尖 沙 嘴 明 輝 中 心 商 廈 及 觀 塘 鴻 圖 道 工 廈 。 以 上 物 業 都 屬 租 金 收 益 相 當 穩 定 之 物 業 投 資 ， 未 知 集 團 是 否 希 望 增 加 物 業 投 資 組 合 而 增 購 物 業 。
至 祥 截 至 去 年 12 月 底 止 年 度 純 利 9434.9 萬 元 ， 跌 22.36% ， 每 股 盈 利 27.85 仙 ， 往 績 PE 約 8 倍 。 由 於 大 股 東 劉 氏 連 同 長 實 （ 001 ） 主 席 李 嘉 誠 已 持 有 公 司 近 70% 權 益 ， 街 貨 略 嫌 偏 低 ， 股 份 交 投 一 向 較 為 疏 落 ， 未 必 適 合 短 炒 ， 至 於 仲 有 無 得 升 ， 就 要 睇 公 司 會 收 購 乜 物 業 。
中 國 七 星 候 低 吸
中 國 七 星 （ 245 ） 係 金 匡 同 新 數 碼 （ 276 ） 之 後 ， 今 年 另 一 隻 升 幅 驚 人 股 份 ， 唔 同 係 七 星 較 多 芬 佬 入 場 ， 升 幾 倍 之 後 仲 高 位 頻 密 買 賣 。 現 持 逾 5% 基 金 ， 有 景 順 香 港 、 瑞 銀 同 埋 呢 輪 勁 買 中 國 消 費 品 股 Keywise ， 其 中 以 瑞 銀 近 期 較 活 躍 買 賣 。 七 星 搞 緊 電 視 直 銷 ， 暫 時 未 有 其 他 上 市 公 司 模 仿 ， 算 係 概 念 獨 特 ， 況 且 眾 多 芬 佬 捧 場 好 難 大 跌 ， 如 遇 跌 市 值 得 趁 低 吸 納 。
歐陽風
沒有留言:
發佈留言