上 禮 拜 五 發 生 一 場 細 價 股 股 災 ， 三 四 線 股 跌 幅 超 過 一 成 ， 比 比 皆 是 ， 個 別 更 一 度 急 跌 4 成 以 上 ， 鍾 情 炒 細 價 股 散 戶 相 信 係 受 災 最 重 一 群 。 有 報 章 計 過 數 ， 上 周 五 港 股 市 值 蒸 發 470 億 元 ， 全 日 下 跌 股 達 781 隻 ， 較 02 年 「 仙 股 股 災 」 當 日 574 隻 股 份 下 跌 ， 市 值 損 失 58 億 銀 嚴 重 得 多 。
翻 查 跌 幅 榜 ， 有 幾 類 股 份 暫 時 都 係 高 危 類 別 ， 首 先 係 上 市 時 PE 已 定 得 頗 高 ， 但 上 市 後 繼 續 狂 炒 ， 呢 類 股 份 包 括 埋 新 上 市 源 果 汁 （ 1886 ） ， 因 為 現 年 度 PE 已 經 超 過 50 倍 ， 雖 則 話 係 國 內 龍 頭 兼 高 速 增 長 ， 但 係 遇 上 炒 家 資 金 撤 走 ， 現 股 價 偏 貴 卻 係 最 實 際 沽 貨 理 由 。
第 2 類 係 今 年 升 幅 特 大 ， 只 炒 注 資 概 念 ， 實 際 業 績 麻 麻 公 司 ， 呢 類 股 票 包 括 中 航 技 術 （ 232 ） 同 埋 東 北 電 （ 042 ） 等 等 。 第 3 類 亦 係 短 期 最 危 險 ， 就 係 有 對 沖 基 金 入 股 轉 型 股 同 埋 概 念 股 ， 雖 然 概 念 仍 在 ， 但 係 由 於 好 多 呢 類 基 金 係 透 過 借 入 平 價 日 圓 同 做 大 槓 桿 投 資 ， 故 此 一 旦 被 迫 拆 倉 ， 實 係 沽 得 最 狠 類 。
睇 番 跌 幅 榜 ， 上 星 期 上 跌 幅 榜 139 控 股 （ 139 ） 獲 Penta 睇 中 並 增 持 至 11% ， 由 於 呢 間 公 司 股 權 極 度 分 散 ， Penta 已 係 「 見 得 到 」 最 大 股 東 ， 一 旦 Penta 沽 貨 ， 肯 定 大 鑊 。 之 但 係 捱 過 呢 轉 拆 倉 潮 ， 呢 類 股 票 亦 都 好 有 可 能 彈 得 最 勁 。
中 華 藥 業 等 位 買 貨
中 華 藥 業 （ 8120 ） 呢 隻 創 業 板 股 上 星 期 過 AGM 同 EGM ， 通 過 發 行 新 股 集 資 建 議 。 呢 間 公 司 主 要 透 過 JCB 生 物 生 產 植 物 性 益 生 素 ， 即 動 物 飼 料 ， 產 量 每 年 達 80 噸 ， 可 餵 飼 22 萬 頭 生 豬 ， 另 向 動 物 用 藥 及 疫 苗 發 展 。 原 大 股 東 汪 世 忠 配 股 後 股 權 大 幅 攤 薄 ， 加 上 原 主 席 汪 世 華 都 已 退 任 主 席 ， 汪 非 非 辭 任 執 董 ， 頗 有 汪 氏 淡 出 之 味 道 ， 新 管 理 層 上 場 或 一 番 作 為 ， 呢 隻 另 類 農 業 股 可 候 低 收 集 。 歐 陽 風
沒有留言:
發佈留言