隻 金 匡 （ 286 ） 噚 日 復 牌 ， 表 現 相 當 醒 神 ， 不 過 到 下 午 3:30 又 要 停 牌 。 由 於 公 司 剛 於 上 周 五 通 告 話 未 物 色 到 合 適 收 購 對 象 ， 故 此 相 信 今 次 停 牌 同 正 式 落 實 出 售 中 僑 貨 倉 大 廈 有 關 ， 因 為 上 一 份 通 告 只 係 話 正 考 慮 出 售 建 議 ， 炒 大 半 日 ， 下 午 至 拍 板 都 未 定 。 同 金 匡 同 聲 同 氣 新 數 碼 （ 276 ） ， 即 市 波 幅 跟 足 金 匡 咁 滯 ， 且 看 金 匡 好 消 息 仲 會 唔 會 帶 起 隻 新 數 碼 。
講 開 停 牌 ， 噚 日 升 10% 中 芯 國 際 （ 981 ） ， 有 報 章 大 字 標 題 話 佢 正 搵 緊 策 略 投 資 者 入 股 ， 並 已 委 任 大 摩 同 德 銀 做 財 務 顧 問 ， 傳 聞 涉 及 年 初 講 過 私 募 基 金 。 有 傳 聞 都 不 特 止 ， 連 入 股 金 額 會 有 5 億 美 元 ， 以 及 入 股 20% 咁 細 節 都 有 ， 港 交 所 （ 388 ） 不 單 止 唔 使 中 芯 停 牌 解 釋 ， 連 出 個 通 告 澄 清 都 唔 使 ！ 真 係 唔 明 港 交 所 停 牌 機 制 同 準 則 係 點 。
事 實 上 ， 噚 日 中 芯 成 交 額 唔 細 ， 有 成 3 億 幾 銀 ， 而 且 佢 輪 都 好 當 炒 ， 其 中 兩 隻 成 交 額 達 到 7500 萬 銀 ， 影 響 所 及 唔 細 得 過 其 他 股 仔 ， 而 且 中 芯 上 次 有 私 募 入 股 傳 聞 出 街 ， 最 後 得 個 傳 字 ， 已 令 唔 少 投 資 者 中 伏 。 另 外 ， 中 芯 將 於 本 周 四 公 布 業 績 ， 要 評 估 有 否 策 略 投 資 者 入 股 ， 好 可 能 要 睇 埋 業 績 ， 咁 多 敏 感 消 息 在 前 ， 博 定 唔 博 ， 同 賭 大 細 無 分 別 。
606 好 快 會 高 過 506
股 價 連 升 兩 日 乙 醇 新 股 中 糧 控 股 （ 606 ） ， 噚 日 發 力 升 5.5% ， 收 報 5.86 元 ， 佢 原 本 自 中 糧 國 際 （ 506 ） 分 拆 出 ， 中 糧 國 際 昨 收 報 5.87 元 ， 只 差 1 格 ， 睇 個 勢 606 好 快 會 高 過 506 。 日 前 睇 國 際 新 聞 ， 國 際 大 炒 家 索 羅 斯 都 睇 中 乙 醇 呢 個 替 代 能 源 ， 據 報 已 透 過 旗 下 公 司 以 9 億 美 元 吸 納 或 興 建 甘 蔗 處 理 廠 ， 連 同 去 年 在 巴 西 購 下 大 型 蔗 糖 及 乙 醇 處 理 廠 ， 準 備 在 當 地 大 搞 乙 醇 業 。 巴 西 大 搞 乙 醇 ， 中 國 又 豈 會 落 後 ？ 中 糧 控 股 呢 隻 唯 一 乙 醇 股 ， 潛 力 仍 未 盡 發 揮 。
沒有留言:
發佈留言