中 油 燃 氣 （ 603 ） 股 價 橫 行 一 段 頗 長 時 間 ， 噚 日 突 然 炒 上 ， 成 交 額 增 至 1.7 億 銀 ， 近 1 個 月 以 都 未 見 過 咁 高 成 交 ， 配 合 圖 表 有 破 位 象 ， 呢 隻 股 要 密 切 關 注 。
該 公 司 剛 於 月 中 通 過 收 購 安 徽 省 馬 鞍 山 天 然 氣 站 業 務 ， 連 同 之 前 完 成 收 購 的 南 京 項 目 ， 預 期 今 年 內 可 以 在 南 京 及 馬 鞍 山 完 成 6 至 8 個 氣 站 建 設 ， 並 於 今 年 5 月 份 完 成 其 主 氣 站 的 發 展 ， 估 計 屆 時 供 氣 量 可 以 千 萬 立 方 米 計 ， 其 逾 半 年 的 營 運 收 入 可 於 年 底 入 賬 。
由 於 剛 通 過 之 項 目 ， 資 產 向 現 任 主 席 收 購 ， 而 收 購 大 部 份 以 新 股 及 CB 支 付 ， 意 味 主 席 通 過 該 項 收 購 正 式 收 齊 股 票 成 大 股 東 ， 日 後 明 正 言 順 進 行 更 多 收 購 及 發 展 。
目 前 內 地 加 氣 站 業 務 盈 利 相 當 吸 引 ， 早 前 中 國 燃 氣 （ 384 ） 就 表 示 加 氣 站 係 未 來 主 力 發 展 業 務 之 一 ， 正 大 舉 在 長 沙 投 資 加 氣 站 。 由 於 要 做 加 氣 站 有 個 限 制 ， 就 係 要 有 鄰 近 氣 源 供 應 ， 故 此 ， 中 油 燃 氣 下 一 步 向 燃 氣 上 游 資 產 打 主 意 ， 係 好 合 理 發 展 。 技 術 上 中 油 燃 氣 0.93 至 0.95 元 有 阻 力 ， 升 穿 要 見 1 蚊 應 該 唔 難 。
噚 日 個 市 雖 然 係 跌 ， 但 股 仔 氣 氛 完 全 係 兩 回 事 ， 除 個 別 轉 型 股 當 炒 之 外 ， 新 濠 （ 200 ） 宣 布 涉 足 國 內 體 育 彩 票 業 務 ， 亦 都 刺 激 相 關 股 票 炒 起 ， 例 如 軟 庫 發 展 （ 648 ） 升 23% ， 不 過 最 先 踏 足 國 內 彩 票 業 華 彩 （ 8161 ） 就 不 升 反 跌 2% 。
彩 票 股 只 宜 短 炒
其 實 國 內 搞 彩 票 業 務 風 險 都 幾 大 ， 睇 華 彩 例 子 就 係 最 佳 「 人 辦 」 ， 當 初 講 到 市 場 潛 力 幾 咁 大 ， 結 果 業 績 卻 係 兩 回 事 。 華 彩 內 地 彩 票 拍 檔 澳 洲 上 市 公 司 Tabcorp 早 前 公 布 攤 佔 67% 的 內 地 福 利 彩 票 項 目 ， 除 息 稅 前 虧 損 280 萬 澳 元 （ 約 1720 萬 港 元 ） ， 而 且 未 來 兩 年 都 唔 會 有 明 顯 貢 獻 ， 嚇 到 澳 洲 佬 話 唔 敢 再 加 大 內 地 投 資 ， 睇 彩 票 股 只 宜 短 炒 ， 未 成 氣 候 。
歐陽風
沒有留言:
發佈留言