東 亞 銀 行 （ 023 ） 中 期 業 績 遠 遜 市 場 預 期 ， 股 價 慘 跌 逾 8% ， 如 此 跌 幅 ， 不 知 多 少 年 未 見 過 ， 還 好 渣 打 銀 行 （ 2888 ） 收 市 後 公 佈 業 績 理 想 ， 銀 行 股 不 致 全 軍 覆 沒 ， 本 地 藍 籌 短 期 或 可 借 勢 反 彈 。
不 過 噚 日 重 災 區 資 源 股 就 認 真 難 講 ， 由 於 隔 晚 商 品 期 貨 價 格 急 跌 ， 金 股 、 油 股 、 煤 股 、 鋼 鐵 股 全 線 急 跌 ， 這 次 資 源 股 及 商 品 價 格 洗 倉 式 下 跌 ， 好 可 能 係 全 世 界 真 正 意 識 到 經 濟 下 滑 勢 必 影 響 全 球 對 資 源 的 需 求 ， 加 上 目 前 資 源 價 格 唔 多 唔 少 係 人 為 炒 高 結 果 ， 睇 資 源 價 格 縱 有 反 彈 都 好 難 重 展 升 浪 。
商 品 價 格 易 跌 難 升
商 品 市 場 係 咪 有 泡 沫 ， 視 乎 你 如 何 界 定 ， 但 人 為 因 素 肯 定 係 商 品 價 格 呢 幾 年 狂 升 主 要 原 因 。 所 謂 人 為 因 素 ， 包 括 每 日 打 開 份 報 紙 見 唔 少 商 品 基 金 、 資 源 基 金 廣 告 ， 呢 類 基 金 一 有 錢 入 就 不 停 買 入 商 品 期 貨 等 升 值 ， 唔 係 有 贖 回 都 唔 沽 ， 累 積 下 來 便 形 成 龐 大 的 商 品 購 買 力 ， 變 成 投 資 需 求 令 商 品 價 格 勁 升 ， 某 程 度 上 扭 曲 了 商 品 的 真 正 市 場 價 值 。
呢 股 商 品 投 資 熱 潮 一 旦 冷 卻 ， 相 關 基 金 持 續 被 贖 回 ， 好 可 能 會 令 這 個 市 場 形 成 惡 性 循 環 ， 即 商 品 價 格 越 跌 ， 越 多 人 贖 回 基 金 ， 加 速 商 品 價 格 跌 勢 ， 故 此 短 期 內 商 品 都 會 是 一 個 弱 勢 市 場 ， 易 跌 難 升 。
理 論 上 ， 資 金 若 撤 出 商 品 市 場 ， 好 可 能 會 重 新 投 入 股 票 市 場 ， 一 些 在 經 濟 低 潮 中 具 抗 跌 力 的 股 份 ， 應 該 會 是 市 場 首 選 ， 昨 日 公 佈 業 績 的 港 鐵 （ 066 ） 、 希 慎 （ 014 ） 等 地 產 收 租 股 應 該 有 得 諗 ， 總 好 過 博 資 源 股 反 彈 。
沒有留言:
發佈留言