噚 日 大 市 成 交 唔 夠 500 億 ， 炒 賣 氣 氛 甚 差 ， 不 過 淡 市 中 散 戶 對 抽 新 股 仍 有 一 定 興 趣 ， 緊 將 以 先 A 後 H 上 市 中 國 南 車 股 份 （ 1766 ） ， 由 於 有 相 當 規 模 ， 基 建 股 亦 具 不 俗 吸 引 力 ， 相 信 入 飛 反 應 唔 會 太 差 。
中 國 南 車 A 股 發 行 價 為 2.1 元 至 2.18 元 人 民 幣 ， 今 日 正 式 進 行 網 上 申 購 ， 至 於 H 股 市 傳 將 以 每 股 介 乎 2.49 元 至 2.79 元 招 股 ， 以 呢 個 定 價 範 圍 計 ， 相 當 於 08 年 市 盈 率 介 乎 18 至 20 倍 ， 比 起 內 地 幾 隻 基 建 H 股 中 交 建 （ 1800 ） 、 中 鐵 建 （ 1186 ） 及 中 鐵 （ 390 ） ， 估 值 都 要 便 宜 。
阿 媽 上 市 或 再 難 注 資
唔 知 係 咪 內 地 股 民 見 得 太 多 過 百 元 之 大 價 股 ， 對 中 國 南 車 以 2 元 多 招 股 頗 感 奇 怪 ， 認 為 是 以 低 價 招 股 ， 實 際 上 兩 蚊 幾 的 確 有 點 細 價 股 之 感 。 定 價 似 乎 相 當 克 己 之 餘 ， 集 資 規 模 亦 因 應 市 況 有 所 調 整 ， 由 原 定 發 行 20 億 股 H 股 減 至 16 億 股 ， 集 資 額 細 成 10 億 幾 銀 。 雖 然 話 目 前 市 況 差 勁 ， 但 10 億 銀 對 於 一 隻 咁 大 規 模 之 國 企 股 ， 應 該 只 係 濕 濕 碎 ， 中 國 南 車 可 能 真 係 為 保 上 市 成 功 ， 不 惜 降 低 集 資 額 。
同 系 株 洲 南 車 （ 3898 ） ， 母 公 司 正 是 中 國 南 車 ， 前 者 於 06 年 底 上 市 時 ， 招 股 價 5.3 元 比 阿 媽 高 得 多 ， 當 時 逾 200 倍 超 額 認 購 ， 甫 掛 牌 已 高 開 43% 至 7.6 元 ， 未 幾 更 加 升 上 16.9 元 高 位 ， 炒 得 散 戶 如 癡 如 醉 。 不 過 到 今 時 今 日 ， 株 車 股 價 已 跌 至 6.82 元 ， 除 抽 中 股 份 ， 相 信 好 少 到 家 有 得 贏 。 由 於 母 公 司 行 將 上 市 ， 株 車 角 色 頗 為 尷 尬 ， 單 係 會 否 有 得 注 資 ， 都 已 是 一 大 疑 問 ， 咪 捉 錯 用 神 以 為 株 車 可 以 炒 影 子 股 概 念 。
沒有留言:
發佈留言