星期三, 7月 30, 2008

股 場 放 大 鏡 : 奧 運 無 幫 助 首 機 發 盈 警


繼 中 國 林 大 ( 910 ) 之 後 , 噚 日 又 跑 出 一 隻 公 佈 業 績 後 急 升 之 股 仔 , 中 國 水 務 ( 855 ) 逆 市 急 升 15% 。 公 司 截 至 08 年 3 月 底 止 全 年 業 績 , 股 東 應 佔 溢 利 4.27 億 元 , 較 07 年 同 期 增 長 5.74 倍 , 每 股 盈 利 34.62 仙 , 牌 面 PE 低 至 6 倍 。

集 團 期 內 營 業 額 升 4.68 倍 至 7.66 億 元 , 因 年 前 收 購 的 多 個 水 務 項 目 提 供 貢 獻 , 其 中 供 水 業 務 收 益 就 大 增 3.31 倍 至 2.4 億 元 。 不 過 公 司 也 不 是 沒 有 特 殊 收 益 , 期 內 就 有 2.79 億 元 之 財 務 資 產 公 平 值 收 益 入 賬 , 上 年 同 期 為 1 億 元 。

供 水 業 務 算 係 公 用 事 業 , 一 般 公 用 股 都 有 較 佳 抗 跌 力 , 但 中 國 水 務 去 年 11 月 跟 隨 大 市 由 5.95 元 高 位 回 落 , 3 月 最 低 跌 至 1.75 元 , 勁 跌 7 成 , 同 一 般 股 仔 無 異 。 中 國 水 務 市 值 一 都 唔 細 , 去 年 11 月 時 市 值 曾 高 達 73 億 元 , 家 剩 番 27 億 , 其 間 財 富 蒸 發 唔 係 少 數 目 。

航 空 股 業 績 難 看 好
有 公 司 發 佈 理 想 業 績 , 惟 差 勁 業 績 者 仍 佔 多 數 , 擁 有 奧 運 概 念 的 北 京 首 都 機 場 ( 694 ) 更 發 出 盈 警 , 預 告 截 至 6 月 底 止 盈 利 較 上 年 同 期 大 幅 下 跌 , 原 因 包 括 今 年 首 季 民 航 局 對 機 場 實 施 航 班 限 制 、 油 價 高 企 影 響 航 班 增 加 、 全 球 經 濟 放 緩 影 響 航 運 需 求 , 以 及 3 號 航 站 樓 投 入 營 運 增 加 成 本 。

照 計 京 奧 前 北 京 會 有 大 量 進 口 及 人 流 , 何 以 北 京 在 京 奧 前 的 客 貨 運 情 況 會 如 此 惡 劣 , 真 係 睇 到 人 一 頭 霧 水 。 還 是 大 行 有 先 見 之 明 , 上 周 花 旗 出 報 告 , 重 申 給 予 首 都 機 場 沽 售 評 級 , 原 因 是 預 期 今 年 上 半 年 盈 利 將 令 人 非 常 失 望 , 目 標 價 睇 6.05 元 。 首 機 都 發 盈 警 , 睇 航 空 股 業 績 都 係 有 「 驚 」 無 喜 。

沒有留言: