股 場 放 大 鏡 ： 炒 二 三 線 揀 成 交 異 動 股

昨 日 公 佈 的 中 國 1月 份 CPI 一 如 所 料 係 7.1% ， 既 然 早 已 有 「 消 息 人 士 」 放 風 講 呢 個 數 ， 實 際 數 字 都 好 難 同 預 期 差 得 遠 ， 內 地 A 股 昨 日 表 現 強 勁 ， 好 耐 無 見 過 上 海 A 股 升 逾 百 點 ， 成 交 回 增 至 1000 億 元 以 上 ， 成 交 回 升 呢 個 訊 號 ， 反 映 股 民 入 市 信 心 增 加 ， 唔 可 以 睇 少 。

港 股 同 A 股 同 樣 氣 氛 顯 著 「 回 暖 」 ， 細 價 股 更 罕 有 地 全 線 急 升 。 睇 圖 表 ， 不 少 細 價 股 在 去 年 3 月 狂 潮 過 後 ， 調 整 近 一 年 ， 不 但 跌 晒 舊 年 升 幅 ， 有 直 頭 係 跌 凸 。 以 去 年 4 月 轉 型 能 源 及 資 源 股 世 城 （ 355 ） 為 例 ， 去 年 3 月 底 由 0.111 元 起 步 ， 個 多 星 期 炒 高 4 倍 至 0.465 元 ， 之 後 跌 足 10 個 月 ， 一 度 變 回 仙 股 ， 昨 升 上 0.121 元 ， 都 係 去 番 起 步 位 。

第 一 視 頻 仲 有 水 位
去 年 3 月 左 右 正 值 股 市 火 紅 時 期 ， 不 但 證 券 行 同 銀 行 出 現 散 戶 爭 機 事 件 ， 出 股 票 機 舖 頭 都 大 排 長 龍 ， 當 時 高 位 接 細 價 股 火 棒 者 大 有 人 在 ， 由 於 散 戶 最 興 坐 艇 唔 肯 沽 ， 大 戶 要 收 番 齊 貨 ， 用 一 年 時 間 算 係 差 不 多 。

揀 二 三 線 股 炒 ， 第 一 樣 要 睇 係 成 交 異 動 股 ， 突 然 成 交 大 增 ， 成 本 唔 輕 ， 要 炒 上 去 動 力 都 會 較 大 ， 近 日 例 子 有 中 國 礦 業 （ 340 ） ， 出 現 成 交 異 動 之 後 ， 3 個 交 易 日 累 升 成 倍 。 噚 日 成 交 異 動 股 之 一 係 第 一 視 頻 （ 082 ） ， 單 日 有 242 球 貨 易 手 ， 係 歷 來 最 大 單 日 成 交 。 此 股 由 去 年 高 位 4.83 元 跌 落 1 元 ， 跌 幅 近 八 成 ， 要 升 番 原 位 ， 就 要 升 番 4.8 倍 ， 博 反 彈 番 上 去 50 日 線 1.48 元 ， 仲 有 唔 錯 水 位 。

中 國 風 電 有 勢 要 追
舊 年 股 仔 最 流 行 係 轉 型 資 源 股 ， 另 一 類 流 行 ， 係 環 保 概 念 股 ， 當 中 又 以 清 潔 能 源 股 最 為 吃 香 ， 但 係 炒 過 一 輪 之 後 ， 有 關 股 份 就 靜 晒 落 ， 假 如 再 炒 二 三 線 ， 呢 類 股 份 應 該 仲 有 得 諗 ， 尤 其 係 雪 災 暴 露 內 地 缺 電 缺 煤 情 況 嚴 重 ， 當 煤 價 又 貴 又 缺 之 時 ， 風 力 發 電 成 本 效 益 便 大 大 提 高 ， 中 國 風 電 （ 182 ） 有 勢 要 追 ， 航 科 通 信 （ 1185 ） 亦 不 妨 追 落 後 。