股 場 放 大 鏡 ： 炒 股 仔 睇 成 交 寶 威 博 得 過

噚 日 個 市 又 再 呈 牛 皮 悶 局 ， 似 乎 期 指 結 算 前 大 市 難 現 突 破 。 個 別 股 仔 仍 見 炒 作 味 道 ， 遇 上 港 股 表 現 平 平 ， 股 仔 已 見 蠢 蠢 欲 動 ， 若 市 況 轉 佳 ， 相 信 炒 作 氣 氛 更 濃 ， 而 揀 股 仔 炒 ， 首 要 仍 然 係 睇 成 交 ， 上 星 期 唔 少 股 仔 出 現 特 大 成 交 上 升 後 出 現 回 吐 ， 呢 類 股 份 應 優 先 留 意 。

上 星 期 成 交 升 得 最 誇 係 第 一 視 頻 （ 082 ） ， 上 周 連 續 兩 日 成 交 過 150 球 ， 之 後 兩 日 回 吐 跌 幅 只 係 有 限 ， 昨 日 一 度 扯 升 逾 一 成 ， 若 大 市 氣 氛 好 轉 ， 此 股 應 該 較 多 鑊 鏟 友 留 意 。

寶 威 控 股 （ 024 ） 上 星 期 三 抽 升 錄 得 109 球 易 手 ， 如 此 成 交 自 去 年 中 以 來 都 未 見 過 ， 近 兩 三 個 交 易 日 回 吐 ， 跌 返 落 急 升 前 起 步 位 ， 博 炒 一 轉 風 險 有 限 。 寶 威 主 要 從 事 金 屬 貿 易 及 鋼 鐵 加 工 ， 與 馬 鋼 （ 323 ） 等 大 型 國 企 有 多 年 合 作 關 係 ， 近 年 並 向 上 游 業 務 發 展 ， 計 劃 進 軍 菲 律 賓 氧 化 鎳 礦 務 ， 與 HPT 成 立 合 營 公 司 ， 在 當 地 Palawan 島 進 行 開 採 ， 又 與 中 國 科 學 院 地 質 所 簽 意 向 書 合 作 勘 探 礦 務 。 昨 日 鋼 鐵 股 炒 上 ， 寶 威 屬 半 隻 鋼 鐵 股 ， 或 有 機 會 炒 到 。

往 績 PE 低 風 險 有 限
寶 威 另 一 主 業 是 投 資 控 股 公 司 ， 持 有 華 彩 控 股 （ 8161 ） 約 21% 權 益 及 若 干 內 地 物 業 ， 呢 隻 華 彩 係 最 先 進 軍 國 內 彩 票 業 的 上 市 公 司 ， 惟 概 念 逐 漸 淡 化 ， 只 能 默 默 耕 耘 ， 最 近 新 濠 （ 200 ） 透 過 旗 下 威 發 系 統 （ 8198 ） 加 入 國 內 彩 票 行 業 ， 反 映 呢 行 前 景 唔 算 太 差 。 寶 威 往 績 PE 低 至 4 倍 ， 每 股 NAV 有 0.93 元 ， 照 計 衰 極 有 限 。

宏 華 打 頭 陣 吉 凶 難 料
上 月 多 隻 新 股 甫 招 股 便 遇 上 港 股 冷 鋒 ， 紛 紛 暫 避 鋒 頭 ， 得 最 勇 一 隻 新 傳 媒 （ 708 ） 上 得 成 ， 跟 住 呢 個 星 期 ， 終 於 再 有 新 股 敢 再 上 招 股 程 序 ， 打 頭 陣 係 宏 華 （ 196 ） ， 此 股 有 瑞 信 及 摩 根 士 丹 利 做 保 薦 ， 但 業 務 為 陸 地 鑽 油 機 生 產 商 ， 行 業 較 冷 門 ， 唔 易 吸 引 散 戶 留 意 ， 影 子 股 安 東 油 田 （ 3337 ） 噚 日 抽 高 之 後 乏 力 ， 海 油 服 務 （ 2883 ） 及 巨 濤 （ 3303 ） 更 加 要 跌 ， 相 關 股 份 睇 落 只 宜 短 炒 一 日 半 日 貨 仔 。