星期日, 5月 06, 2007

股 場 放 大 鏡 : 工 業 股 翻 生 炒 大 昌 微 線


近 期 工 業 股 有 翻 生 象 , 唔 少 冷 門 工 業 股 都 靜 靜 地 起 革 命 , 連 一 沉 靜 多 時 工 業 股 都 突 然 炒 上 , 好 似 隻 大 昌 微 線 ( 567 ) 噚 日 就 發 力 抽 高 22% , 成 交 額 有 近 2700 萬 銀 , 好 耐 未 見 過 咁 大 成 交 。


此 股 波 幅 相 當 之 誇 張 , 舊 年 年 中 由 0.80 元 水 平 起 步 , 唔 使 半 年 時 間 炒 上 最 高 3.60 元 , 勁 升 幾 倍 , 但 係 其 後 公 布 中 期 業 績 純 利 大 幅 增 長 , 股 價 反 而 大 插 , 個 零 月 時 間 跌 落 1.40 元 水 平 , 市 值 唔 見 60% , 走 遲 半 步 都 隨 時 輸 死 。


業 績 料 持 續 增 長


大 昌 微 線 截 至 去 年 9 月 之 中 期 業 績 , 營 業 額 4.59 億 元 , 同 比 增 長 82.5% , 股 東 應 佔 溢 利 9768 萬 元 , 增 長 279% , 每 股 盈 利 0.2052 元 , 中 期 息 4 仙 。 以 此 中 期 業 績 , 下 半 年 表 現 若 拍 得 住 上 半 年 , 每 股 盈 利 應 有 0.41 元 , 去 年 最 高 位 3.61 元 計 , PE 還 不 到 10 倍 , 股 價 大 跌 , 只 能 怪 炒 得 太 高 , 投 資 者 趁 好 消 息 獲 利 回 吐 。


大 昌 微 線 屬 於 PCB 電 路 板 股 , 近 年 主 力 生 產 流 動 電 話 所 應 用 的 高 密 度 互 連 ( HDI ) 線 路 板 , 受 定 單 大 升 帶 動 , 營 業 額 及 毛 利 率 均 大 幅 增 長 。 目 前 中 國 與 日 本 是 全 球 最 大 兩 個 HDI 消 耗 國 , 內 地 即 將 推 出 3G , 對 HDI 需 求 應 會 相 當 強 勁 , 集 團 業 績 增 長 應 可 持 續 。


唯 一 解 釋 急 跌 理 由 , 係 銅 價 上 漲 影 響 邊 際 利 潤 , 但 銅 價 升 已 不 是 今 時 今 日 發 生 , 又 如 何 解 釋 中 期 純 利 可 以 急 升 2 倍 幾 ? 歐 陽 風 相 信 更 大 原 因 係 早 前 資 金 走 晒 去 炒 中 資 股 , 近 期 無 乜 股 可 炒 , 至 翻 兜 呢 類 工 業 股 仔 。
歐陽風

沒有留言: