股 場 放 大 鏡 ： 資 金 太 多 化 石 股 變 當 炒 股

港 股 昨 日 早 段 仍 然 升 逾 百 點 ， 但 下 午 完 全 走 樣 ， 主 要 是 中 字 派 沽 壓 頗 大 ， 除 市 傳 中 央 本 周 末 會 有 宏 調 措 施 之 外 ， 一 些 炒 A H 折 讓 的 國 企 股 確 實 炒 得 過 火 ， 最 離 奇 當 數 到 儀 征 化 纖 （ 1033 ） 同 上 海 石 化 （ 338 ） ， 點 可 能 炒 到 脫 離 現 實 價 格 母 公 司 仲 會 去 私 有 化 ？ 同 樣 道 理 ， 一 隻 H 股 PE 已 高 達 70 倍 山 東 新 華 製 藥 （ 719 ） ， 點 可 能 炒 上 同 A 股 睇 齊 ？

不 過 市 場 資 金 確 實 過 多 ， 股 民 沽 售 中 字 派 套 現 後 竟 走 去 炒 一 幾 年 唔 郁 「 化 石 股 」 ， 好 似 連 升 3 日 南 海 控 股 （ 680 ） ， 股 價 已 經 幾 年 無 郁 過 ， 早 排 見 有 異 動 莊 士 機 構 （ 367 ） 同 埋 莊 士 中 國 （ 298 ） ， 噚 日 又 見 急 升 ， 分 別 升 18% 及 13% 。 翻 查 股 價 ， 前 者 幾 年 來 股 價 都 在 0.70 元 附 近 橫 行 ， 後 者 更 長 期 在 0.50 元 橫 行 。

莊 士 系 上 周 五 停 牌 ， 本 周 復 牌 宣 布 若 干 資 產 互 換 ， 莊 士 機 構 旗 下 莊 士 中 國 會 向 姊 妹 公 司 勤 達 集 團 （ 1172 ） 轉 讓 東 莞 一 幅 約 7.8 萬 平 方 米 之 工 業 用 地 ， 以 換 取 後 者 於 成 都 的 商 業 物 業 權 益 及 1330 萬 元 ， 另 莊 士 機 構 認 購 勤 達 一 批 CB ， 若 兌 換 持 股 量 可 由 44.7% 增 至 54.1% 。 表 面 睇 今 次 係 將 物 業 分 門 別 類 執 番 正 ， 而 此 系 股 份 向 以 資 產 折 讓 大 見 稱 ， 但 炒 到 呢 類 股 ， 卻 有 點 升 市 尾 聲 味 道 。

中 建 科 技 趁 勢 炒 上
另 一 隻 「 化 石 股 」 係 中 建 科 技 （ 261 ） ， 噚 日 急 升 21% ， 該 公 司 近 5 年 都 無 點 郁 過 ， 成 交 亦 都 好 細 ， 近 兩 個 月 炒 上 ， 成 交 量 卻 大 得 驚 人 ， 動 不 動 都 幾 千 球 ， 噚 日 有 7156 球 易 手 ， 成 交 額 3.6 億 。 此 股 早 前 已 分 析 過 ， 估 值 偏 低 ， 惟 年 前 私 有 化 不 成 ， 低 殘 自 有 低 殘 理 由 ， 估 唔 到 此 化 石 股 都 可 變 當 炒 股 。