股 場 放 大 鏡 ： 廖 企 急 升 短 炒 客 難 獲 利

上 星 期 三 邵 氏 （ 080 ） 股 價 急 升 12% ， 翌 日 即 有 報 章 財 經 新 聞 頭 條 報 道 話 ， 有 買 家 擬 以 每 股 25 元 至 27 元 洽 購 邵 氏 股 份 ， 股 價 再 升 多 15% 至 20 元 。 不 過 到 中 午 即 見 公 司 發 表 聲 明 嚴 正 否 認 有 關 報 道 ， 股 價 又 打 回 原 形 。 其 實 邵 氏 話 有 機 會 被 看 中 手 上 優 質 資 產 已 經 講 好 耐 ， 不 過 若 然 有 人 為 炒 高 股 價 而 亂 放 流 料 ， 就 太 唔 應 該 。

上 周 五 廖 創 興 企 業 （ 194 ） 股 價 亦 見 異 動 ， 呢 間 持 有 創 興 銀 行 （ 1111 ） 控 股 公 司 ， 持 有 大 量 物 業 投 資 ， 包 括 旺 角 創 興 廣 場 、 西 營 盤 創 業 商 場 、 港 中 心 、 寶 翠 園 10% 權 益 及 淺 水 灣 低 密 度 洋 房 等 ， 另 在 國 內 亦 有 商 住 發 展 項 目 ， 不 過 佢 每 次 炒 上 ， 都 係 傳 出 售 創 銀 ， 而 非 價 值 重 估 。 此 股 由 於 平 日 成 交 偏 低 ， 一 係 就 悶 死 人 ， 升 時 候 就 追 極 都 買 唔 到 貨 ， 係 長 線 捧 場 客 至 賺 到 佢 錢 。

其 士 科 技 配 股 或 有 後
其 士 國 際 （ 025 ） 上 周 五 宣 布 ， 以 先 舊 後 新 方 式 配 售 2538 萬 股 其 士 科 技 （ 508 ） ， 每 股 作 價 3.70 元 ， 比 停 牌 前 明 顯 折 讓 14% ， 但 其 士 科 技 復 牌 即 急 升 ， 收 市 升 26% 。 是 次 集 資 約 9160 萬 元 ， 用 作 一 般 營 運 資 金 ， 配 售 代 理 係 星 展 ， 唔 係 乜 大 行 ， 亦 都 無 話 引 入 乜 名 牌 基 金 ， 配 股 畀 幾 名 投 資 者 唔 知 係 乜 水 ， 然 而 宣 布 集 資 卻 可 以 令 股 價 升 咁 多 ， 莫 非 真 係 憧 憬 集 團 將 餐 飲 業 王 國 進 軍 中 國 大 陸 ？

其 士 科 技 自 從 收 購 太 平 洋 咖 啡 及 出 售 科 技 業 務 予 母 公 司 後 ， 已 正 式 變 身 餐 飲 股 ， 去 年 宣 布 轉 型 後 亦 已 錄 得 逾 倍 升 幅 ， 經 大 半 年 在 3 元 水 平 橫 行 之 後 再 炒 上 。 正 常 為 集 資 而 配 股 股 仔 多 數 係 先 炒 上 後 配 股 ， 但 係 今 次 反 而 配 股 後 再 炒 上 ， 或 有 後 都 未 定 。