股 場 放 大 鏡 ： 向 雷 曼 發 輪 宏 安 炒 拆 細 添 動 力

上 星 期 六 至 講 過 宏 安 （ 1222 ） 停 牌 待 發 窩 輪 唔 似 想 集 資 ， 噚 日 就 復 牌 並 宣 布 透 過 大 股 東 配 舊 股 及 發 窩 輪 引 入 雷 曼 呢 個 大 行 策 略 投 資 者 。 宏 安 宣 布 向 雷 曼 兄 弟 發 行 總 值 450 萬 元 認 股 證 1000 萬 份 ， 行 使 價 9 元 ， 連 同 輪 價 0.45 元 ， 較 停 牌 前 8.48 元 有 11% 溢 價 ， 即 係 話 呢 批 輪 行 使 的 話 ， 連 同 使 費 正 股 要 9.50 元 以 上 至 有 肉 食 。

雷 曼 又 斥 5400 萬 元 向 大 股 東 買 入 1000 萬 股 宏 安 ， 如 再 行 使 認 股 證 將 成 為 第 2 大 股 東 ， 持 6.53% 股 權 。 呢 次 配 股 發 輪 行 動 ， 集 資 額 僅 9450 萬 元 ， 相 比 公 司 市 值 31 億 銀 ， 只 係 小 數 目 而 已 ， 亦 反 映 公 司 目 的 係 為 引 入 名 牌 效 應 居 多 。

Rojam 賣 主 業 盡 派 息
呢 批 公 司 輪 要 發 輪 後 兩 個 月 至 545 日 內 行 使 ， 即 係 話 至 少 要 等 兩 個 月 ， 另 換 股 後 至 少 要 等 75 日 禁 售 期 至 可 以 沽 。 宏 安 等 今 日 股 東 會 通 過 ， 明 日 就 可 以 正 式 拆 細 ， 呢 個 時 候 引 入 雷 曼 ， 用 意 已 經 非 常 明 顯 ， 睇 番 近 日 宣 布 拆 細 錦 興 （ 275 ） 同 中 國 無 線 （ 2369 ） ， 以 及 透 過 發 紅 股 拆 細 山 東 墨 龍 （ 568 ） ， 實 在 唔 敢 低 估 用 拆 細 呢 個 方 法 炒 上 威 力 。

噚 日 講 過 中 國 生 物 製 藥 （ 1177 ） 賣 資 產 大 套 現 都 唔 派 特 別 息 而 去 學 大 藍 籌 派 季 度 息 ， 日 前 發 現 有 隻 異 動 股 Rojam （ 8075 ） 都 係 因 賣 資 產 而 大 派 特 別 息 ， 上 月 公 布 派 發 特 別 息 每 股 0.118 元 ， 以 股 價 0.27 元 計 ， 佔 近 一 半 。 呢 間 日 資 娛 樂 事 業 創 板 股 ， 過 往 4 年 都 有 錢 賺 ， 較 早 前 向 控 股 股 東 出 售 唱 片 發 行 主 業 收 取 2.85 億 元 ， 呢 次 派 息 涉 資 約 2.26 億 元 ， 大 部 份 畀 番 股 東 。 股 份 今 日 除 淨 之 後 ， Rojam 市 值 只 係 不 足 3 億 銀 ， 賣 埋 主 業 睇 下 一 步 一 係 轉 型 ， 一 係 就 賣 殼 。