噚 日 個 市 尤 其 係 中 資 股 仔 種 癲 法 ， 真 係 好 有 97 年 紅 籌 國 企 泡 沫 影 子 ， 加 上 成 交 激 增 至 949 億 銀 ， 越 來 越 似 。 不 過 ， 泡 沫 唔 代 表 無 機 會 ， 視 乎 你 點 睇 而 已 ， 當 所 有 人 都 不 理 性 鬥 癲 ， 太 理 智 便 會 喪 失 好 多 機 會 。
除 QDII 之 外 ， 噚 日 激 化 中 資 股 升 勢 可 能 係 兩 單 停 牌 事 件 ， 第 1 隻 係 內 地 證 券 行 股 第 一 上 海 （ 227 ） ， 開 市 前 已 經 停 牌 ， 待 發 出 一 份 有 關 須 予 披 露 、 股 份 及 關 連 交 易 之 通 告 。 相 關 證 券 行 股 其 實 上 星 期 已 經 急 升 ， 噚 日 升 勢 更 激 ， 申 銀 萬 國 （ 218 ） 狂 升 57% 兼 以 全 日 最 高 位 報 收 ， 光 控 （ 165 ） 更 加 開 市 即 勁 升 近 兩 成 ， 收 市 升 12% 。
基 金 掃 貨 首 選 大 價 股
其 實 內 地 證 券 業 大 賺 已 經 唔 係 今 時 今 日 事 ， 無 理 由 今 日 至 知 ， 亦 都 反 映 港 股 有 時 都 幾 滯 後 ， 第 一 上 海 好 耐 之 前 已 話 會 分 拆 玩 具 業 務 ， 且 看 究 竟 有 乜 關 連 交 易 。 另 一 隻 停 牌 股 係 急 升 33% ， 下 午 3 點 幾 至 停 東 北 電 （ 042 ） ， 又 係 涉 及 關 連 交 易 ， 呢 類 國 企 呢 個 時 候 搞 收 購 注 資 ， 好 明 顯 係 火 上 加 油 ， 令 散 戶 狂 態 更 加 狂 。
睇 升 幅 榜 ， 唔 難 發 現 大 部 份 上 榜 股 都 係 發 霉 國 企 ， 呢 類 國 企 股 由 於 H 股 較 A 股 有 大 幅 折 讓 ， 故 此 人 話 炒 折 讓 收 窄 ， 不 過 呢 個 概 念 其 實 頗 為 誤 導 ， 因 為 QDII 係 透 過 基 金 買 港 股 ， 基 金 經 理 有 錢 到 手 係 都 先 買 國 壽 （ 2628 ） 、 中 移 動 （ 941 ） 等 大 隻 先 啦 ， 次 選 都 可 能 係 控 （ 005 ） 、 新 地 （ 016 ） 等 大 藍 籌 ， 幾 時 輪 到 PE 數 十 倍 ， 經 營 環 境 又 未 有 大 突 破 三 線 國 企 ？ 最 明 顯 係 山 東 新 華 製 藥 （ 719 ） ， 往 績 PE 79 倍 ， 股 息 率 0.5 厘 ， 唔 好 話 我 知 基 金 經 理 會 買 。
歐陽風
沒有留言:
發佈留言