星期日, 4月 15, 2007

股 場 放 大 鏡 : 高 PE 股 高 危 一 族


近 日 唔 少 公 司 , 業 績 一 出 就 見 光 死 。 最 明 顯 不 過 係 內 需 股 , 如 永 嘉 ( 3322 ) 出 完 業 績 , 由 近 5 蚊 跌 到 落 3 蚊 邊 , 非 常 誇 張 。 業 績 顯 示 , 其 06 年 底 止 盈 利 2.61 億 元 , 按 年 上 升 7.9% , 但 期 內 每 股 盈 利 25.9 仙 , 卻 出 現 倒 退 , 因 發 售 新 股 致 盈 利 攤 薄 。 不 過 呢 個 都 唔 係 最 大 問 題 , 集 團 中 期 盈 利 增 長 3 成 , 全 年 純 利 卻 只 得 單 位 數 字 , 咁 點 叫 做 有 內 需 概 念 增 長 股 , 更 加 唔 值 一 般 內 需 股 20 倍 以 上 PE 。


業 績 唔 對 辦 見 光 死



另 一 個 問 題 係 去 年 有 世 界 盃 熱 潮 , 佢 擁 有 之 UMBRO 品 牌 包 括 有 英 格 蘭 國 家 隊 等 流 行 之 波 衫 , 業 績 冇 理 由 咁 差 , 集 團 以 高 價 奪 得 的 品 牌 專 利 費 , 仲 值 唔 值 ? 照 咁 計 , 同 樣 係 賣 運 動 服 裝 的 李 寧 ( 2331 ) , 往 績 PE 高 達 56 倍 , 預 測 PE 都 成 30 倍 , 一 旦 業 績 唔 對 辦 , 又 係 高 危 一 族 。


另 外 , 豬 肉 股 雨 潤 食 品 ( 1068 ) 公 布 業 績 前 有 資 金 偷 步 炒 上 , 公 布 業 績 後 卻 被 狂 沽 , 下 跌 成 12% , 呢 隻 被 證 等 大 行 睇 得 極 好 食 品 股 , 去 年 純 利 增 長 36% 至 4.89 億 元 , 不 過 每 股 盈 利 冇 增 長 , 維 持 0.34 元 , 以 現 價 計 , 雨 潤 PE 25 倍 , 增 長 唔 夠 勁 都 係 死 罪 。


最 後 數 到 中 旅 國 際 ( 308 ) , 噚 日 公 布 業 績 後 跌 6% 。 集 團 去 年 純 利 倒 退 38% , 由 於 去 年 度 盈 利 涉 及 個 別 非 經 營 因 素 , 若 剔 除 上 述 因 素 , 盈 利 實 際 減 少 約 18% 。 盈 利 倒 退 因 為 新 業 務 芒 果 網 及 珠 海 海 泉 灣 前 期 投 入 的 銷 售 管 理 費 用 龐 大 , 惟 去 年 暫 時 未 能 提 供 盈 利 貢 獻 。 中 旅 以 上 述 業 績 計 之 往 績 PE 大 約 50 幾 倍 , 聽 落 幾 得 人 驚 , 要 明 年 新 業 務 有 盈 利 , PE 至 會 降 低 , 但 有 分 拆 芒 果 網 同 中 旅 重 組 注 資 做 溢 價 , 算 係 較 值 得 低 吸 之 見 光 死 股 票 。
歐陽風

沒有留言: