鴻 隆 （ 1383 ） 呢 隻 國 內 房 地 產 半 新 股 ， 上 市 唔 夠 兩 個 月 就 宣 布 停 牌 搞 收 購 ， 噚 日 復 牌 擬 收 購 深 圳 市 商 住 物 業 藝 豐 廣 場 ， 作 價 4.78 億 元 人 民 幣 ， 開 市 升 過 上 1.95 元 後 低 收 1.86 元 。
半 新 股 理 論 上 無 話 有 時 間 上 限 制 ， 要 上 市 幾 耐 至 可 以 搞 收 購 ， 因 為 集 資 ， 錢 就 係 間 公 司 ， 幾 時 用 同 埋 用 幾 多 ， 由 公 司 自 己 決 定 。 由 於 鴻 隆 業 務 係 以 地 產 開 發 同 埋 商 場 租 賃 業 務 為 主 ， 故 此 以 上 收 購 符 合 該 公 司 發 展 方 向 ， 至 於 買 價 較 4.81 億 元 估 值 僅 有 輕 微 折 讓 ， 唔 算 得 特 別 平 。 由 於 公 司 係 以 競 標 方 式 去 買 呢 項 已 落 成 物 業 作 收 租 用 途 ， 想 像 空 間 唔 及 收 購 土 地 發 展 咁 大 。
同 樣 係 半 新 股 ， 錦 江 酒 店 （ 2006 ） 噚 日 停 牌 ， 想 像 空 間 就 大 得 多 。 錦 江 係 內 地 最 大 酒 店 營 運 商 ， 迄 今 共 經 營 263 間 酒 店 ， 主 要 業 務 在 北 京 及 上 海 ， 這 兩 地 將 舉 辦 奧 運 會 及 世 博 ， 將 帶 動 旅 遊 業 強 勁 增 長 ， 集 團 為 此 正 翻 新 部 份 星 級 酒 店 ， 房 價 具 上 調 空 間 ， 同 時 集 團 將 出 售 表 現 較 差 的 項 目 ， 今 次 停 牌 ， 收 購 有 好 位 置 酒 店 ， 大 行 又 要 做 報 告 同 佢 估 估 值 。
錦 江 現 時 都 有 頗 多 大 行 基 金 睇 實 ， BNP 百 富 勤 早 排 報 告 睇 6 元 ， 中 銀 國 際 則 睇 6.53 元 ， 皆 預 期 錦 江 06 至 08 年 盈 利 複 合 年 增 長 達 雙 位 數 ， 以 停 牌 前 個 價 4.50 元 計 ， 前 者 上 升 空 間 有 33% ， 後 者 有 45% ， 似 乎 值 博 率 相 當 高 ， 等 復 牌 通 告 再 研 究 。
遠 店 加 入 炒 殼 派 對
講 開 酒 店 股 ， 噚 日 隻 遠 東 酒 店 （ 037 ） 突 然 「 喪 升 」 44% ， 高 見 0.52 元 ， 收 市 升 25% ， 另 一 系 內 股 遠 東 控 股 （ 036 ） 都 被 帶 起 升 15% ， 但 成 交 額 只 得 58 萬 蚊 ， 遠 店 則 有 2700 萬 銀 ， 為 逾 兩 年 最 大 單 日 成 交 。 遠 店 噚 日 勁 升 之 後 市 值 仍 然 只 得 2.2 億 ， 同 遠 展 （ 035 ） 46 億 元 差 成 廿 倍 ， 由 於 今 期 流 行 炒 殼 股 ， 市 值 得 一 兩 億 細 公 司 買 少 見 少 ， 或 者 因 此 而 炒 起 都 未 定 。
沒有留言:
發佈留言