大 約 1 個 月 前 金 榜 （ 172 ） 宣 布 出 售 旺 角 金 都 商 場 ， 放 棄 呢 個 咁 有 租 務 價 值 特 色 商 場 ， 原 來 係 有 後 ， 公 司 發 出 通 告 ， 宣 布 委 任 中 信 集 團 前 主 席 王 軍 為 主 席 兼 執 行 董 事 ， 即 日 生 效 。 王 軍 目 前 係 保 利 香 港 （ 119 ） 及 中 信 21 世 紀 （ 241 ） 主 席 ； 另 出 任 香 港 建 設 （ 190 ） 名 譽 主 席 及 中 通 服 務 （ 552 ） 獨 立 非 執 行 董 事 ， 而 家 再 沾 手 多 1 間 上 市 公 司 。
受 到 消 息 刺 激 ， 金 榜 股 價 噚 日 急 升 1.6 倍 ， 成 交 額 亦 都 好 誇 張 ， 達 到 5.8 億 銀 ， 上 10 大 成 交 金 額 榜 ， 正 式 係 「 金 榜 題 名 」 。 金 榜 連 同 出 售 金 都 商 場 予 美 林 旗 下 基 金 及 出 售 南 京 商 場 套 現 所 得 ， 手 持 超 過 6 億 銀 ， 還 按 揭 之 後 仲 有 好 多 現 金 ， 1 隻 搞 到 咁 淨 殼 ， 同 早 前 狂 炒 金 匡 （ 286 ） 有 得 比 。 一 間 變 成 現 金 股 淨 殼 ， 下 一 步 一 定 要 宣 布 投 資 大 計 ， 否 則 便 唔 符 合 當 初 上 市 有 持 續 經 營 業 務 條 款 ， 至 於 轉 型 大 計 ， 近 期 最 熱 一 定 係 轉 做 資 源 、 能 源 同 埋 各 類 礦 務 ， 其 次 就 輪 到 環 保 以 及 國 內 水 務 行 業 。
睇 返 王 軍 已 沾 手 公 司 ， 旗 下 已 有 香 港 建 設 做 風 力 發 電 ， 保 利 則 做 地 產 ， 中 信 21 世 紀 做 質 檢 網 ， 惟 獨 近 期 最 炒 得 起 資 源 業 務 未 有 ， 金 榜 噚 日 炒 得 咁 勁 ， 或 者 同 市 場 憧 憬 佢 轉 型 搞 資 源 同 能 源 有 關 。 金 榜 昨 市 值 增 至 12 億 元 ， 相 比 一 炒 至 過 百 億 市 值 礦 務 股 未 算 好 高 ， 要 實 呢 間 公 司 仲 有 乜 大 計 。
富 超 值 獲 長 毛 睇 中
紡 織 股 富 控 股 （ 643 ） 日 前 披 露 獲 股 壇 長 毛 David Webb 於 上 月 底 以 每 股 平 均 價 0.888 元 買 入 80 萬 股 ， 持 股 逾 5% ， 刺 激 股 價 升 13% ， 收 0.93 元 ， 比 起 David Webb 呢 次 入 貨 價 唔 係 高 好 多 。 呢 隻 冷 門 工 業 股 ， 早 前 公 布 06 年 業 績 ， 溢 利 6811 萬 元 ， 增 3.65% ， 每 股 盈 利 18.88 仙 ， 末 期 息 6 仙 ， 連 中 期 息 共 9 仙 。 照 價 計 ， 現 年 PE 不 足 5 倍 ， 股 息 率 達 10 厘 ， 收 息 高 過 唔 少 收 租 股 同 REIT ， 難 怪 會 獲 David Webb 睇 中 。
歐陽風
沒有留言:
發佈留言