股 場 放 大 鏡 ： 中 國 無 線 或 炒 拆 細

中 國 無 線 （ 2369 ） 本 月 12 日 公 布 業 績 ， 由 於 無 特 別 驚 喜 ， 股 價 冇 乜 刺 激 ， 反 而 係 本 周 一 發 出 份 通 告 正 式 確 認 1 送 1 紅 股 之 建 議 後 ， 股 價 連 升 3 日 ， 噚 日 又 再 先 挫 後 揚 升 10% 。 基 本 上 派 送 紅 股 作 用 等 同 股 價 拆 細 ， 1 送 1 除 淨 後 ， 股 價 理 論 上 會 細 50% ， 效 果 一 如 1 股 拆 兩 股 。

類 似 例 子 係 早 前 公 布 業 績 後 宣 布 1 送 4 紅 股 山 東 墨 龍 （ 568 ） ， 除 淨 前 都 見 股 價 炒 上 ， 但 係 更 有 趣 係 到 除 淨 日 理 論 價 應 為 1.19 元 ， 股 價 卻 高 開 逾 倍 至 2.5 元 ， 可 能 係 有 人 計 錯 數 ， 以 為 除 淨 價 大 偏 低 而 高 位 掃 貨 。 除 送 紅 股 ， 亦 有 公 司 直 接 建 議 股 份 拆 細 ， 好 以 宏 安 （ 1222 ） 上 周 五 就 發 出 通 告 建 議 1 拆 20 ， 假 如 除 淨 前 股 價 係 10 元 ， 除 淨 後 變 成 0.5 元 ， 宏 安 昨 收 市 股 價 7.93 元 ， 當 堂 由 大 價 股 變 細 價 股 。 不 過 如 果 家 入 市 炒 拆 細 要 睇 清 楚 ， 宏 安 每 手 買 賣 單 位 係 2000 股 ， 拆 細 後 變 每 手 6000 股 ， 除 淨 後 1 手 變 成 40000 股 ， 即 6 手 另 加 4000 股 ， 要 搵 碎 股 佬 沽 貨 ， 當 然 最 好 係 買 除 得 盡 6000 股 數 啦 。

首 長 科 技 悄 悄 搞 分 拆
宏 安 作 為 小 型 發 展 商 之 角 色 已 漸 淡 化 ， 反 而 積 極 發 展 國 內 街 市 業 務 ， 現 深 圳 管 理 20 個 街 市 ， 當 中 11 個 為 自 置 物 業 ， 每 年 帶 來 1.5 億 元 租 金 收 入 ， 另 管 理 香 港 11 個 「 萬 有 」 街 市 ， 最 近 更 積 極 搞 國 內 農 副 產 品 批 發 市 場 ， 似 乎 真 係 想 做 國 內 街 市 之 王 。

早 兩 日 先 話 要 留 意 發 霉 國 企 ， 噚 日 全 部 行 晒 ， 成 都 普 天 （ 1202 ） 同 埋 東 北 電 （ 042 ） 分 別 升 14% 及 15% ， 呢 類 國 企 主 要 炒 重 組 ， 已 停 牌 兩 星 期 南 京 熊 貓 （ 553 ） 就 正 由 國 資 委 及 央 企 級 中 國 電 子 信 息 牽 頭 重 組 其 母 公 司 熊 貓 集 團 ， 搞 到 南 京 熊 貓 A 股 連 日 漲 停 板 。 除 國 企 重 組 ， 紅 籌 原 來 都 可 以 炒 國 內 資 產 分 拆 A 股 上 市 ， 噚 日 首 長 科 技 （ 521 ） 宣 布 分 拆 旗 下 天 津 普 林 電 路 於 深 圳 A 股 作 IPO ， 呢 單 消 息 從 未 在 市 場 流 傳 過 ， 惟 早 已 有 春 江 鴨 炒 高 首 科 ， 未 知 反 映 幾 多 呢 個 好 消 息 。